2023 senesi berim ayınıñ 4-nde Herson vilâyetiniñ Geniçesk şeerinde tutulğan qırımtatar Nariman Ablâzovğa üküm çıqarıldı. Noman Çelebicihan adına batalyonda iştirak etkeni içün 3,6 senege maküm etildi, müddetiniñ birinc senesini apishanede keçirmeli.
Qırımtatar Maaliy Merkezi (QMM) bu aqqında haber berdi.
Nariman Ablâzov aqqında ne bilemiz
2023 senesi berim ayınıñ 4-nde işğalciler Noman Çelebicihan adına qırımtatar göñülli batalyonında faal iştirak etkeni içün qırımtatar Nariman Ablâzovnı tuttılar.
Qırımtatar adamınıñ 50 yaşı, üç balası bar. Adam, musafirhane saasında iş adamı edi.
Geniçesk işğal etilgen soñ işğalciler Nariman Ablâzovnıñ apayını tutıp aldılar ve belli bir müddet devamında 17 oquv yurtunıñ mağazında tuttılar. Daa soñra qadınnı yiberdiler.
Hatırlatamız ki, 2022 senesi bozarğan aynıñ 1-nde Rusiye Yuqarı makemesi Baş prokurorlıqnıñ Noman Çelebicihan adına qırımtatar göñülli batalyonını terror teşkilâtı olaraq tanıp, onıñ faaliyetini Rusiye Federatsiyasında yasaq etüv davasını qanaatlendirdi.
Telegram ve Facebookta Suspilne Qırım haberlerine abune oluñız
