İşğal etilgen Qırımda qırımtatar milliy areketiniñ faalcisi Zebüre Kubedinova 87 yaşında vefat etti.
"Qırım birdemligi" bu aqqında haber berdi.
"O, evde oturıp olamay edi. Er kesni sıcaqlamağa tırışa edi ve sıcaq sözler tapa edi", — onıñ aqqında dep hatırlaylar.
Faalcilerniñ qayd etkenlerine köre, yaşına baqmadan, Kubedinova qırım siyasiy mabüsleriniñ davaları boyunca makemelerge, olarnıñ tuvğanlarınen körüşüvlerge, uquq qorçalayıcı aktsiyalarğa qatnay edi.
"Bugün saba Zebüre bitanıñ ölümi aqqında haber keldi. 87 yaşında bu dünyanı terk etti. 1944 senesi sürgünlikniñ fedası oldı. Ve onı şimdiki vaqıtta qırımtatar halqına qarşı repressiyalar ve taqiplerniñ hibrid şekillerinde kördim", — dep uquq qoruyıcı Mumine Saliyeva qayd etti.
Bağçasaray rayonınıñ Hanışköy köyünde, Alminska soqağı, 79 adresinde saat 14-te cenaze olıp keçecek.
Telegram ve Facebookta Suspilne Qırım haberlerine abune oluñız
