Yoldaşnıñ çıqarğanı fotoresimler, işğal etilgen Qırımda arman ayınıñ 2-de olğan raketa ücümi neticesinde Ukraina Mudafaa quvetleri Rusiyeniñ S-400 raketa kompleksiniñ bir silâsını yoq etkenleri ve ise Quş Qayanıñ civarında bir silâsını bozğanlarını köstereler.
Amerika Cenkni ögrenüv institutınıñ (ISW) analitik maruzasında bu qayd etildi.
ISW, arman ayınıñ 2-nde Planet Labs PBC tarafından çıqarılğan yoldaş fotoresimlerine esaslanıp, Ukraina quvetleriniñ "Rostov-na-Donu" deñizaltı gemisine zarar ketirgenlerini köstere.
Lâkin ISW, SOUnıñ suvastı gemini yoq etkeni ve oña ketirilgen zararnıñ miqdarını şimdilik mustaqil olaraq tasdıqlap olamağanını qayd etti.
İnstitutta şunı da hatırlattılar ki, arman ayınıñ 4-nde Ukraina SQniñ Arbiy deñiz quvetleriniñ matbuat nutuqçısı Dmıtro Pletençuk, yarımadağa yapılğan soñki ukrain ücümlerinden soñ Rusiye quvetleri işğal etilgen Qırımda beş Rusiye arbiy ava limanından ekisini endi qullanmay.
Aynı zamanda, işğal etilgen Qırımnıñ fevqulâde hızmetleri "ASTRA" Telegram kanalınıñ menbaları, arman ayınıñ 2. gecesi "Rostov-na-Donu" deñizaltı gemisi ve S-400 kompleksine ATACMS raketalarınıñ ücümlerini tasdıqlay.
Qayd etilgenine köre, arman ayınıñ 1-nden 2-ne keçer gecesi Aqyar ve onıñ civarında 8 ATACMS raketi ücüm etti, olardan 5-i tüşürildi. Aqyardaki Rusiye Mudafaa nazirliginiñ 13. gemi tamir zavodınıñ yalısında bulunğan "Rostov-na-Donu" deñizaltı gemisine 2 raketa urdı. Tam aqibetleri ve taqımınıñ taqdiri belli degil. Daa bir raketa, Qaran köyüniñ yanında S-400 kompleksine uruldı.
Hatırlatamız ki, Ukraina Silâlı quvetleriniñ Baş ştabında bildirdiler ki, Ukraina mudafaa quvetleri arman ayınıñ 2-nde işğal etilgen Qırımda deñizaltı gemisi ve S-400 zenit raketa kompleksine ücüm ettiler. Ücüm neticesinde Rusiyeniñ Qaradeñiz flotunıñ "Rostov-na-Donu" deñizaltı gemisi battı. Ukraina Silâlı quvetleriniñ Raketa orduları ve Arbiy-deñiz quvetleriniñ bölükleri, dört "Triumf" ZRKna zarar ketirdiler.
Bundan evel Aqyarnıñ işğalli gubernatorı Mihail Razvojayev arman ayınıñ 2. gecesi şeerge yapılğan kütleviy ücümni toqtatqanlarını bildirdi.
Telegram ve Facebookta Suspilne Qırım haberlerine abune oluñız
