İşğal etilgen Qırımda arman ayınıñ 1-de Kefe rayonınıñ (sabıq Sovet rayonı) 52 yaşındaki sakini cemaat yerinde «Rus ordusınıñ itibarını tüşürüv» sözlerini bağırğanı içün yaqalandı.
Bunı işğalci Qırım içki işler nazirligi öz Telegram kanalında bildirdi.
Rusiye polisiniñ malümatına köre, tutulğan adam endi «Rusiye ordusınıñ itibarını tüşürgeni» içün memuriy cevapkârlıqqa çekilgen edi. Onı şimdi rayon militsiyasına alıp kettiler.
"Adam qabaatını boynuna aldı. Polis hadimleri, protsessual qarar qabul etmek içün toplağanları malümatnı teşkerüv organlarına yollanıldı", - dep bildirildi.
Ukraina Yuqarı Şurasınıñ insan aqları vekili Dmıtro Lubinets qayd etti ki, Rusiye, söz serbestligini yoq etmek ğayretlerinen «Rusiye ordusı itibarını tüşürgeni» içün sakinlerni taqip etip, İnsan aqları aqqında Avropa şartnamesiniñ 1-nci maddesi ve İnsan aqları umumiy beyannamesiniñ 19-ncı maddesini boza.
Telegram ve Facebookta Suspilne Qırım haberlerine abune oluñız
