Qırımtatar asıllı ukrain yırcısı Jamala "Olimpiya oyunları 2024" tedbirlerinde iştirak etti. Sanatçı, halqara sport yarışları keçirilmesi munasebetinen Pariste açılğan “Volia Space” ukrain eviniñ sanasından öz yırlarını icra etti.
O, Facebook saifesinde bunı bildirdi.
"Olimpiya oyunlarındaki tedbirlerniñ medeniy ve diplomatik qısmı olğanıma pek quvandım, ilk evelâ, Frenkistannıñ vaqtınca köçken qadınlarımız ve balalarımıznı qabul etkenine teşekkürler bildirdim", — dep Jamala yazdı.
Sanatçı, mahsus çıqışta bulundı ve em yerli, em de ecnebiy matbuat vastalarına bir sıra intervyü berdi.
Jamala şunı da bildirdi ki, Ukraina cenkiniñ şaraitinde Amerika Sesi tarafından çıqarılğan, prodüser ve jurnalist Bet Mendelson olaraq tasvirlengen film kösterildi: Jamala: Songs of Freedom.
"Filmden soñ sualler bermege istegenlernen açıq munaqaşa oldı, olarğa teşekkürler bildirem. Olardan biri: küreşimizge dünya diqqatını ayırmaq içün ne yapmaq kerek. Menimce, esası — toqtamayıp, belki de bu küstahça körünse de, bizni eşitmeleri içün muvafaqiyetlerimiznıñ daa çoq imkânlarnı açması içün eñ yahşı olmaq kerek", — dep yırcı hulâsa çıqardı.
Telegram ve Facebookta Suspilne Qırım haberlerine abune oluñız
