Odesada oraq ayınıñ 29-da on sene evelsi Qırımnı rus işğalcileri tarafından tutulğan ve öldürilgen Ukraina Qaramanı, qırımtatar faalcisi Reşat Ametovnıñ şerefine bir soqaqnıñ adını deñiştirmek qararı qabul etildi, em de 2014 senesi bir meydannıñ adını qırımtatar halqınıñ birinci Qurultayınıñ başı Noman Çelebicihannıñ şerefi deñiştirüv aqqında qarar qabul etildi.
Odesa vilâyetiniñ şurasınıñ mebusı, «Odesa vilâyetiniñ qırımtatarları» cemaat teşkilâtınıñ yolbaşçısı Fevzi Mamutov Suspilne Qırımğa bunı añlattı.
"Biz Odessa vilâyetiniñ qırımtatar cemiyetinde rey berüv keçirdik. Rey berüvge köre, bu eki insan eñ çoq rey aldı", — dep qayd etti o.
Faalciniñ aytqanına köre, Reşat Ametovnıñ şerefine adlandırılğan soqaq keçenlerde Roman Karmen dep adlandırılğan edi. Ve Noman Çelecihannıñ şeer bağçası ondan evel Paustovskiyniñ edi.
Mamutov, bu eki insannıñ rus imperializmi elinden elâk olğanını qayd ete.
"Bu fikirni ve onıñ emiyetini yetkizmek içün yeterli argumentler ve deliller bar. Ve ukrain quvetlerinen (bu qarar qabul etilgen vaqıt — muar.) iç bir türlü mesele olmadı", — dep «Odesa vilâyetiniñ qırımtatarları» cemaat teşkilâtınıñ yolbaşçısı qoştı.
Böylece, Reşat Ametov 2014 senesi işğal vaqtında elâk oldı. O, vefatından soñ Ukraina qaramanı unvanınen taqdirlendi. Tecavuzcılar Ukraina topraqlarına kelip, öldürmege başladılar, bu öldürüvler de ondan başlandı, dep bildirdi Mamutov.
Aynı zamanda Noman Çelebicihan «qırmızı maşinanı» – 1917-1918 seneleri tek surat almağa başlağan sovet ükümetini toqtatmağa tırıştı.
"O, qırımtatar halqında, atta Ukraina tarihında kerçekten de büyük bir insandır. Onıñ ruhiyliginiñ numünesi, terbiyesiniñ numünesi, yolbaşçılığınıñ numünesi onıñ aqqında ulu ve müim bir şahıs olaraq laf etmege imkân bere", — dep bildirdi o.
Mamutov em de Ukrainanıñ qıtaviy topraqlarında qırımtatarlarnıñ şerefine ad deñiştirüvniñ birinci vaqiası olğanını ayrıca qayd etti.
Qırımtatar faalcisi de ad deñiştirüvniñ bütün Ukraina içün müim olğanını qayd etti, çünki bu memleketniñ siyasiy milletini yañıdan quruvnıñ esas elementlerinden biridir.
"Deñiştirüv devrinde, ad deñiştirüvde iştirak etsinler, öz tekliflerini bersinler dep, mümkün qadar çoq adamnı celp etmege tırıştıq. Şimdi men tek qırımtatarlar ve qırımtatar adları aqqında aytmayım. Cemaat meydanına ad bermege insan ne vaqıt celp etilgenini tasavur ete bilesiñiz - çünki bu parkta banal tertip bile qorçalanacaq, — bu faal, añlı vatandaşlıq cemiyetini yaratmaq içün cemiyetniñ uyanmasıdır. Siyasiy halq ise devletimizniñ çoq medeniyetliligi, çeşitligi ve çoqmilletliliginden şekillene", — dep Mamutov añlattı.
Şimdi Odesada ad deñiştirüv ceryanı endi bitirildi. Onıñ malümatlarına köre, umumen, şeerde 3005-IX dekolonizatsiya aqqında qanun çerçivesinde, 120-ge yaqın soqaq, obyekt, şeer bağçası ve meydannıñ adları deñiştirildi.
"Berilgen vaqıtnıñ soñu edi. Onıñ içün de belli bir basamaqlar oldı. Birinciden, bu imkân toponimika eyyetine berile, soñra eyyetten şeer şurasına, şeer şurasından şeer başına berile. Eger merniñ vaqtı olmasa, onı arbiy memuriyetniñ başına berir", — dep faalci añlattı.
Aynı zamanda Qırımtatar Milliy Meclisiniñ başı Refat Çubarov Telegramda bu qararğa qoşulğan er keske teşekkür bildirdi.
"Bugünden başlap şanlı Odesa şeerinde Ukraina Qaramanı Reşat Ametov adına soqaqnıñ adı ve 1917 senesi ilân olunğan Qırım Halq Cumhuriyetiniñ birinci Ükümet Başı, «Ant etkenmen!» Qırımtatar milliy gimniniñ müellifi Noman Çelebicihan adına şeer bağçasının adı deñiştirildi", — dep Çubarov yazdı.
Telegram ve Facebookta Suspilne Qırım haberlerine abune oluñız
