İşğal etilgen Qırımda Köktebel ve Kefe civarındaki Qaradağ qoruğında yanğınnı söndürmege alâ daa devam eteler. Mütenasip organlar anda çalışmağa devam eteler.
Qırımnıñ işğalli Fevqulâde vaqialar nazirligi Telegramda bu aqqında haber berdi.
"Bugün "Qırım Cumhuriyetiniñ yanğın qoruvı" bölüginden 13 insan celp etildi, anda Rusiye FVNniñ Qırımdaki baş idaresiniñ hadimleri, Rosgvardiya, orman hocalığı, göñülliler ve başqaları çalışalar", — dep böyle degen Fevqulâde vaqialar nazirligi bildirdi.
Şimdi ise, nazirli qayd etkeni kibi, yanğan ateşlerge suv tökmege devam eteler. İşni sıcaq ava, şiddetli yel ve irişmesi qıyın olğan maden ve orman alanı qıyınlaştıra.
Aynı zamanda TASS Rusiye devlet haber agentliginiñ bildirgeni kibi, Köktebelde yanğınnıñ meydanlığı 44 gektarğa arttı.
Hatırlatamız ki, tünevin Rusiye FVNniñ bildirgenine köre, yanğıncılar oraq ayınıñ 15-nden berli üç kündir yanğan Köktebel ve Kefe civarındaki Qaradağ qoruğında yanğınnı söndüreler. Yanğın sebebinden şübeli sayılğan yerli sakin qurucılıq işlerini alıp barğan edi.
Telegram ve Facebookta Suspilne Qırım haberlerine abune oluñız
