İşğal etilgen Qırımda Rusiye FSB, Ukraina mahsus hızmetlerine yarımadadaki Rusiye ordusınıñ bölükleriniñ daimiy yerleşüv yerleri aqqında malümat bergen bir adam tutılğanını bildirdi.
Rusiye Federal havfsızlıq hızmeti, TASS devlet matbuat agentligine bunı bildirdi.
"Keçrilgen tedbirler vaqtında 1982 senesi doğğan Ukraina vatandaşı Ukraina toprağında bulunıp, Ukraina Mudafaa nazirliginiñ Baş istihbarat idaresiniñ gizli işbirligine celp etilgenini ögrenildi", — dep bildirildi.
FSBnıñ matbuat hızmeti, tutulğan adam "kameralarnı yerleştirgenini ve kerçek vaqıt rejiminde malümat bergenini" bildirdi. Qırım sakinine qarşı işğalciler Rusiye Cinayet qanunnamesiniñ 276. maddesine binaen casuslıq aqqında cinaiy dava açtılar.
Rusiye kütleviy haber vastaları, tutulğan adamnen bağlı açıq tefsir bermediler.
Qırım uquq qorçalayıcı gruppasınıñ "2022 senesi Qırımda insan aqlarına riayet etüv vaziyeti ve halqara gumanitar uquq qaidelerine riayet etüv vaziyeti" tedqiqatında qayd etilgenine köre, 2014 senesinden başlap yarımadada eñ azından 16 Ukraina vatandaşı işğalli makemeler tarafından "casuslıq" ve "diverssiya" qabaatlavı sebebinden maküm etildi. Olarnıñ arasında: Vladıslav Yesıpenko, Andriy Zahtey, Volodımır Dudka, Oleksiy Bessarabov, Dmıtro Ştıblikov, Ğennadiy Lemeşko, Leonid Parhomenko, Kostântın Davıdenko, Dmıtro Dolğopolov, Anna Suhonosova, Yunus Maşaripov, İvan Yatskin, Kostantın Stetsenko (Hudoliy).
2024 senesi oraq ayına qadar Ukraina prezidentiniñ Qırım Muhtar Cumhuriyetindeki Temsilciligi, yarımadada işğalli makemelerge "Rusiye Silâlı quvetlerini itibardan tüşürgeni" içün tizilgen 847 davanı yollağanlarını qayd etti.
Telegram ve Facebookta Suspilne Qırım haberlerine abune oluñız
