Oraq ayınıñ 4. künü Qırımnıñ işğalli akimiyeti, Bay Buğa özeniniñ ağzındaki kollektorda qaza sebebinden, Kefe körfeziniñ yalılarında vaqtınca yuvunmağa yasaq etti. Yerli sakinler özen içine atılğan kirden sebep yaramay bir qoqusı olğanından şikâyet eteler.
Suspilne Qırım ekolog Yevhen Hlobıstovnen yarımadanıñ kommunal ağlarnıñ vaziyeti ve Qırımdaki suvlarnıñ kirlenüvi aqqında laf etti.
"Añlağanıma köre, anda kanalizatsiya ağlarından keçken boq toqtatmaq içün bir sistema yoq. Bu ise yuqunçlı hastalıqlar telükesi, raatlanğanlar ve başqa qırımlılar içün telükedir", — dep ekolog qayd etti.
Hlobıstovnıñ sözlerine köre, Qara deñizge çoq temizlenmegen suv aqımınıñ tüşmesi — meseledir, amma Ukraina tarafınıñ şimdi tetqiqat keçirmek imkânı yoq, bunıñ içün Qara deñizniñ ekologiyasına tesir aqqında tam olaraq aytmaq mümkün degil.
"Oña ne miqdarda suv tüşkenini bilmeymiz, miqdarını bilmesek, zararnı talil etip olamaymız", — dep qoştı o.
Ekolog qayd etti ki, yarımada Rusiye ordusınıñ işğali başlamadan evel de Qırımnıñ kommunal ağları suvnen temin etüv, ayrıca, suv çıqaruv sisteması bozulğan edi.
"Qırımda tamir işlerine ihtiyacı olğan ve zarar körgen ya da qaza olğan suv ağlarınıñ sayısı 80%-ge yetti. O vaqıt Qırımnıñ bu fayizi Ukrainada orta olğanından daa yüksek edi", — dep Hlobıstov añlattı.
Onıñ qayd etkenine köre, bu pek büyük raqam.
Ekolog añlattı ki, Şura Birligi dağılğan soñ Qırımda eski suv kommunikatsiyaları qaldı, Ukrainanıñ mustaqilligi devrinde ise olarnı pek tez tamir etip yañartqan ediler.
"İşğal vaqtında Qırımda yaşağan insanlarnıñ sayısı pek arttı. Bugün Qırımnıñ sakinleriniñ sayısı aman-aman bir millionğa arttı. Tahminen 750 biñden bir millionğa qadar. Eger 2 million insan suv teminatı ve kanalizatsiyanı qullansa, 3 million insan qullansa edi, vaziyet bam-başqa olur edi", — dep Hlobıstov qoştı.
Onıñ sözlerine köre, yarımadadaki yañı binalar eski kanalizatsiya sistemasına bağlanıla. Qırımnıñ suv çıqaruv sistemasınıñ rekonstruktsiyaları deyerli yapılmadı.
"Bunıñ episi, o vaqıt eskirgen qaza alındaki suvları sistemalarına esaslandı. Onıñ içün bugünki vaziyet - tahmin etilgen bir felâketir", — dep ekolog qayd etti.
Telegram ve Facebookta Suspilne Qırım haberlerine abune oluñız
