Yarımadanı aqıl işğalden azat etüv meseleleri strategiyasını muvafaqiyetli yerine keçirmek maqsadınen daa ameliy adımlarnı belgilemek içün Qırımnı aqıl işğalden azat etüv meseleleri şurası, mütenasip simulâtsiya oqumalarını başlattı.
Oraq ayınıñ 3. künü Facebookta Ukraina prezidentiniñ Qırım MCdeki temsilciliginiñ matbuat hızmeti bu aqqında haber berdi.
"Oqumalarnıñ maqsadı - devlet organları, mütehassıslar müiti, içtimaiy cemiyet, halqara destek programmaları içün Qırımnı aqıl işğalden azat etüv strategiyasınıñ yerine ketirilmesi çerçivesinde teşebbüs ve tedbirlerni faal sürette inkişaf ettirmege yardım ete bilecek eñ aktual ve ameliy qarar ve adımlarnı azırlamaqtır", — dep bildirildi.
Prezidentniñ Qırım Muhtar Cumhuriyetindeki temsilcisiniñ muavini Denıs Çıstikov bildirgeni kibi, munasip işğalden azat etüv siyasiy, gumanitar ve içtimaiy yönelişler üzerinde kommunikatsiya-ruhiy işke esaslana, em de ayatnıñ farqlı saalarında reintegratsiya siyasetlerini destek ete ve quvetleştire.
Aynı zamanda Temsilcilikniñ malümat teminatı bölüginiñ reberi Yevhen Bondarenko ayttı ki, aqıl işğalden azat etüvi — reintegratsiya strategiyalarından biri ve pek çoq içtimaiy-ruhiy, iqtisadiy, medeniy ve ekologik sebeplerge tesir etken ve tesir etecek uzun müddetli esnaslarnıñ koordinatsiya birleşmesidir. Bunıñ içün bu esnaslarnıñ kerçek simulâtsiyalarını azırlamaq müimdir.
İçtimaiy birleşüv meseleleri mütehassısı Yuliya Tışçenkonıñ sözlerine köre, Qırımnı işğalden azat etüvniñ kompleksli añlayışını qurmaq ve meydanğa ketirüvlerni belgilemek, em de devlet ve devletten tış sektorlardan buña celp etilgen insanlarnıñ areketlerini sinhronizatsiya, koordinatsiya, işbirlik ve kommunikatsiya etüv usullarını tapmaq kerek.
Bundan da ğayrı, dayanıqlıq ve havfsızlıq meseleleri halqara mütehassısı Dmıtro Teperık qayd etti ki, kelecekniñ faal simulâtsiyası belli olmağanlıqnı eksilte ve kelecekniñ belli ve kerçekleşe bilecek bir variantına işançnı arttıra.
"Yani serbest quvetli demokratk Ukrainanıñ terkibinde işğalden tamamınen azat etilgen Qıırm yarımadası", — dep Temsilcilikniñ matbuat hızmeti qayd etti.
Telegram ve Facebookta Suspilne Qırım haberlerine abune oluñız
