Rusiye, eñ çoq ukrain ububatını işğal etilgen Aqyarnıñ Dokova körfezindeki "Avlita" terminalından ihrac ete. Bundan ğayrı, işğal etilgen Qırımnıñ Keriç şeerinden çoq şey çıqara. Rusiyeniñ bu areketleri "tamamen kontrabandadır".
SeaKrimeniñ ukrain ububat ve başqa mallarnıñ Qara ve Azaq deñizleriniñ limanlarından qanunsız ihracı leyhasınıñ araştırıcısı Katerına Yaresko Suspilne Qırımğa bu aqqında haber berdi.
"Bu eñ evelâ Aqyardır. Anda bizim belli olğanımız küçlü "Avlita" terminalı bar. Ve eñ çoq ububat bu terminaldan ihrac etile. Keriçten de çoq şey çıqarıla, çünki Keriçnen "Kavkaz" limanı arasında, Keriç boğazında, Pereval adlı qısqa bir omuz bar. Ve anda Qırımdan kelgenlernen beraber ububat alğan gemiler tura. Anda küçük gemiler olsa da, er şeyni pek tez alıp keteler ve pek büyük işhaneleri bar", — dep qayd etti o.
Araştırıcınıñ sözlerine köre, Qırımda ububat gemileri bütün dünya gemicilik ağındaki (AIC) identifikatsiya sistemasını söndüreler, yüklev limanını gizleyler, em de Qara deñizdeki başqa limanlarnı qayd etken vesiqalarnı sahte eteler. Böyle areketleri qanunsızdır ve Ukraina devlet sıñırını boza.
"Olarnıñ taşığanları yükler, şimdi biz ububatnen oğraşamız, bu tam bir kontrabandadır. Bunıñ içün biz bunı, işğalcilerniñ devletimizge qarşı yapqanları cinayetlerini aydınlatmaq, olar aqqında laf etmek kerek, dep tüşünemiz", — dep Yaresko qayd etti.
İşğalcilerge ukrain ububatını ihrac etmege yol bermemek içün çeşitli adımları yapıla, lâkin olar "sıñırlanğan ve bir kereklik"tir, dep araştırıcı ayttı. Şu cğmleden, böyle gemilerge boşatmağa yol bermeyler. Tükiyede de böyke areketler yapıldı.
"Olar kerçekten bazı gemilerni red ettiler ve olarnı biraz qabul etmey ediler. Tecavuznıñ başlanğıcına köre, şimdi ise daa az gemi qabul eteler. Qırım ve Türkiye limanları arasında böyle ububat koridorı bar", — dep añlattı o.
Telegram ve Facebookta Suspilne Qırım haberlerine abune oluñız
