Bozarğan aynıñ 26-nda qayd etilgen Qırımtatar bayrağı kününe "Pıroğiv" halq mimarlığı ve turmuşı müzeyinde bozarğan aynıñ 29-nda qırımtatar eviniñ kelecek rekonstruktsiyasınıñ taqdimi olıp keçti. Tedbirde leyhanıñ teşkilâtçıları ve faalciler tarihiy kapsula qoydılar.
Faalciler Natalâ Lütikova, Olena Şçerbına ve Valentına Kalinovska Facebookta bunı bildirdiler.
Taqdim çerçivesinde qırımtatar ve ukrain bayraqları açıldı.
"Qırım eviniñ teşebbüsinen Qırımnıñ ürmetli vekillerinen Qırımtatar bayrağı künü qayd etildi ve kapsula — qırım evi qoyuldı. Ukraina Milliy halq mimarcılığı ve turmuşı müzeyinde qırım yeri olsun!" — dep faalciler qayd ettiler.
Qırımtatar evi — XVIII – XIX asırlarnıñ soñunda Qırımnıñ sakinleriniñ ananeviy evidir. Leyhanıñ maqsadı ziyaretçilerni o zaman yaşağan qırımlılarnıñ turmuşınen tanıştırmaq ve mimarcılığınıñ hususiyetlerini añlatmaqtır.
Qırımtatar Milliy Meclisiniñ başı Refat Çubarov da tedbirge qatılıp, qayd etti ki, bu lehanıñ yerine ketirilmesi evelden muzakere etildi. Belli ki, Ukrainanıñ qıtaviy topraqlarında qırımtatar evi ilk kere rekonstruktsiya etilecek.
Telegram ve Facebookta Suspilne Qırım haberlerine abune oluñız
