Ukraina Anayasası künü munasebetinen Kıyivniñ Taras Şevçenko parkında ukrain ve qırımtatar yırlarınıñ kontserti olıp keçti. "Birleştirgen manalar" - İsviçreniñ desteginen teşkil etilgen İvan Franko adına Milliy akademik drama teatriniñ, Milliy prezident orkestriniñ ve "Alem" cemaat teşkilâtınıñ leyhasınıñ tedbiridir.
Suspilne Qırım mühbiri, Milliy prezident orkestriniñ müdiri Maksım Ğusak ve baş hormeysteri Susanna Karpenkonen işbirlik ğayesi ve ukrain ve qırımtatar medeniyetini birleştirgen şeyler aqqında laf etti.
Susanna Karpenko tarihnı nasıl saylağanını tarif etti.
"Biz bu künni tesadüfen saylamadıq — Ukraina Anayasası künü. Bu kün qavmiyatnıñ yañı versiyasını eşitmege istegen edik, onıñ içün Milliy prezident orkestrinen ve "Alim" cemaat teşkilâtınıñ yardımınen işbirlik qurdıq. Programma, qırımtatar ve ukrain medeniyetleriniñ birleşüvi ve anda çoq qavmiy malümatnıñ mevcudiyetinen meraqlıdır", — dep añlattı o.
Susanna Karpenko, muzıkada ukrain ve qırımtatar medeniyetlerini birleştire bilgenini da añlattı
"Olarnı pek yahşı birleştirmek mümkün. Melodik ve fonik şeyleri farqlıdır, çünki medeniyetleri farqlı, amma yırlarında olğan qıymetleri — qoranta, soy, birlik, eyilik — episi bizim medeniyetimizde ve qırımtatar medeniyetinde bar", — dep añlattı o.
Maksım Ğusak, tedbirniñ programması qırımtatar ve ukrain türklerini meraqlı ve zemaneviy tertiplernen birleştirgenini ayttı.
"Ukrain medeniyeti, qırımtatar medeniyeti... Halqlarnı qıymetleri, tarihı, pek teren ve eski tarihı birleştire", — dep qayd etti o.
Çıqış vaqtında ekranda mahsus leyha içün azırlanğan qırımtatar "Örnegi" esasında yapılğan video sanatını körmek mümkün edi. Maksım Ğusak, onıñ UNESCOnıñ maddiy olmağan medeniy miras obyektlerine kirgenini qayd etti.
"Bugün çalınğan muzıka, Ukrainanıñ ağır tarihiy devirinen — mustaqilligimiz, qıymetlerimiz, öz-özüni temin etüv, özgün bir halq olmaq ıntıluvımız içün küreşiniñ nevbetteki basamağından ibaret. Bugün bu ukrain halqınıñ sabırlılığını tasdıqlay. Bizni yoq etmege tırışqan er şeyge bir çağıruvdır", — dep hulâsa çıqardı o.
Telegram ve Facebookta Suspilne Qırım haberlerine abune oluñız
