Kıyivde Ukraina rekordı qoyuldı — eñ büyük qırımtatar bayrağı. Bayraqnıñ ölçüsi 9 metrni 16 metrge qadar. 2021 senesi faalciler 200 ava topı yardımınen bu bayraqnı işğal etilgen Qırımnıñ memuriy sıñırından keçirdiler.
Suspilne Qırım mühbiri bu aqqında haber berdi.
Ekinci cian cenki vaqtında Ukraina tarihınıñ milliy müzeyinde rekord qayd etildi.
"Böyle bir kün yanıñızda olmaq menim içün büyük bir şereftir. Bütün Ukraina ve halqım içün müim bir kündir. Yapqanımız er şey — bütün Ukraina, bütün qırımtatarlar — bütün topraqlarımıznıñ, ayrıca vaqtınca işğal etilgen Qırım yarımadasınıñ işğalden azat etilmesi içün yapamız", — dep aktsiyanıñ teşkilâtçısı İsmail Ramazanov añlattı.
O şunı da qayd etti ki, Qırım azat etilecek soñ bu bayraq, İşğalden azat etüv müzeyine yollanılacaq.
"Men bellesem, bu bayraqnıñ tarihı soñsuz, vatandaşlarımıznıñ mesajları da soñsuzdır. Ve eger saysañız — Lviv, Kramatorsk, Odesa, Vinnıtsâ, bugün işğal etilgen Melitopol, Geniçesk, Novooleksievka, Dnipro. Acayip insanlarnıñ yapqanlarınıñ eñ esası — özleriniñ bir parçasını qaldırdılar", — dep Ramazanov qayd etti.
2021 senesi "Qırım üzerinde Qırımtatar bayrağı" aktsiyası Kramatorskta başlandı. Onıñ çerçivesinde göñülliler elnen 9x16 metrlik bayraqlarnı tizdiler, soñ olar Ukraina şeerlerinde dolaşıp, qırımlılarnıñ tileklerini toplay ediler.
2021 senesi bozarğan aynıñ 28-nde 200 sarı-mavı ava topu yardımınen Ukrainanıñ serbest toprağı ve vaqtınca işğal etilgen yarımada arasında memuriy sıñırdan keçti.
Ramazanovnıñ aytqanına köre, işğalciler bayraqnı tüşürmek içün elinden kelgenini yaptılar. Ayrıca, RF FSBsiniñ hadimlerini celp etip, helikopterlerni uçurdılar. Amma bayraqnı Yaltada bile kördiler. Ruslar, ava toplarını qısmen urıp tüşürdiler, bundan soñ o, kursını deñiştirdi ve Ukrainağa qayttı. Onı Arabat belinde tapqanlar.
"Yel, Qırım üzerinde bayraqnı köterip, onı faallerniñ eline qaytardı. Böylece "Bayraq qayttı — Qırım da qaytar" şiarı peyda oldı", — dep teşkilâtçılarnıñ Facebooktaki haberinde aytıldı.
Telegram ve Facebookta Suspilne Qırım haberlerine abune oluñız
