Bu yaz işğalciler Qırımnıñ bala lagerlerine 190 biñ balanı celp etmege planlaştıralar. Mında gençler içün cenk, ruslaştıruv ve ukrain kimliginiñ yoq etilmesi teşviqatı yapıla. Bundan ğayrı, balalar Ukrainanıñ vaqtınca işğal etilgen topraqlarında (VİET) yerleşken lagerlerge alına.
Bozarğan aynıñ 19-nda QIRIM.News saytına "Almenda" cemaat teşkilâtınıñ vesiqalı hadimi bunı añlattı.
Onıñ bildirgenine köre, 190 biñ baladan 48 biñini Ukrainanıñ vaqtınca işğal etilgen topraqlarından ve Rusiye Federatsiyasınıñ topraqlarından yarımadağa ketirmege planlaştıralar. İşğalciler Qırımda 53 bala lageriniñ bazasını ayırğanlar, bu kampaniyanıñ büceti ise 1,5 milliard rubledir (tahminen 450 million grivna).
Mütehassısnıñ aytqanına köre, balalar da VİETdaki lagerlerine alınalar. Ayrıca, 2024 senesi işğal etilgen Zaporijjâ vilâyetiniñ Berdânsk "Qızıl tırnaq" adlı "Artek" bala lageriniñ filialı açıldı. Qırımdaki büyük lagerler arasında 2014 senesiniñ işğali vaqtında zapt etilgen "Qızıl yelken", "Küneşli Tavrika" ve "Balalıq seyyaresi" bar.
Onıñ aytqanına köre, bu bala merkezleriniñ çoqusında "arbiy-vatanperverlik" yönelişiniñ mevzularınen farqlı adlarnen ve aynı printsipnen deñişe. Bu deñişmelerniñ çoqusı Ukraina, Avropa Birligi, AQŞnıñ sanktsiyaları altında bulunğan "Yunarmiya" arbiy teşkilâtınıñ yardımınen teşkil etildi.
Bundan da ğayrı, "Almendi" vesiqalı filmniñ yaratıcısı, "arbiy-vatanperverlik" deñişmelerine RF Silâlı quvetleri ve Rusiyeniñ Qaradeñiz flotunı celp etkenlerini añlattı. Askerler, ayrıca, Ukrainağa qarşı cenk iştirakçileri, balalarnen mevzulı körüşüvlerge kele. Gençler de teşviqat tedbirlerine, şu cümleden Qırım işğaline bağışlanğan tedbirlerge faal sürette celp etile.
"Yani, Ukrainanıñ işğal etilgen cenübiy vilâyetlerinden balalarnı işğal etilgen Qırımğa alıp keteler ve Ukrainağa qarşı cenkleşken askerlerniñ büyükligi, qaramanlığını añlattılar. Bu, meselâ, böyle deñişmeler ola bile: "Genç komandanlar mektebi", "Yañı komandanlar mektebi", — dep añlattı o.
Qırımda "Asker" arbiy merkezi meydanğa ketirildi. Bu lagerlerde merkez "Qaramanlar devri" deñişmelerini keçire. Böyle deñişmeler vaqtında balalar arbiy urba kiyip yüreler, olarğa başlanğıç arbiy azırlıq esasları, uçucısız uçaqlarnı idare etüv ve işlep çıqaruv ögreteler, saba RF bayrağını kötereler ve gimnini icra eteler. O şunı da qoştı ki, bütün mevzular ruslaştıruv ve ukrain balalarına Rusiyege ait olğanlarını zorlamaqtır.
"Bu raatlıq degil, ukrain balalarını ruslaştırruv ve arbiyleştirüv kampaniyasıdır. İçtimaiy ağlarnı nezaret etkende, böyle arbiy-vatanperver deñişmelerge oğrağan soñ, balalarnıñ çoqusı öz kelecegini arbiy zenaatnen bağlamağa qarar alğanını ayta. Yani, bu, halqara uquq qaideleriniñ ciddiy şekilde bozuluvı olğan Rusiye Federatsiyasınıñ ukrain balalarını arbiyleştirmek içün areket etkeniniñ açıq-aydın delilidir", — mütehassıs qayd etti.
Telegram ve Facebookta Suspilne Qırım haberlerine abune oluñız
