Bozarğan aynıñ 19-nda Aqmescitniñ İşğalli Kirov rayon makemesi, qırımtatar Emina Zekeryayevanıñ advokatına Suriyege ketken ve "silâlı taqımğa qoşulğan" ukrainalı Madina Strâpçiniñ Ukrainada yasaq etilgen "VKontakte" Rusiye içtimaiy ağındaki saifesi aqqında daa çoq malümat bermege red etti. Zekeryayevanı Rusiye "cinayet aqqında haberdar olmağanında" qabaatlay.
"Qırım birdemligi" cemaat teşkilâtı bu aqqında haber berdi.
Qırımtatar qadınınıñ advokatı Emil Kurbedinov, "mhkeme" bu qıznıñ esabını, onıñ 2015 senesinden berli içtimaiy ağlarda faaliyetini, haberlerniñ qaydan kelgenini ve qaydan alınğanını soramağa izin bermedi, dep tarif etti. İmayeci taraf, Zekeryayevanen beraber, Ukraina vatandaşınen mektüpleşüvge FSB kirişkeninden eminler. Aynı vaqıtta "makemeci" advokatnıñ sualini "kereksiz" dep adlandırdı.
Makeme oturışında Emine ve babası, FSB hadimleri 2018 senesinden berli mektüpler aqqında bilgenlerini tasdıqladılar.
"Amma çoq sene devamında olar susıp, mektüplerni gizlediler ve tek keçken sene oña (Strâpçi — muar.) qarşı cinaiy dava açtılar. Emine içün cinaiy dava açtılar", — dep "Qırım birdemligi"ne advokat ayttı.
Qırımtatar "makemede" soruvğa çağırılğanda, "terror cinayetleriniñ azırlanuvı" aqqında bilmegenini qayd etti, amma qabaatlayıcı taraf şaat olaraq çağırğan mütehassıs, Zekeryayeva "terror teşkilâtlarını yahşı añlağanını ve bu işte mütehassıs olğanını" iddia ete.
"O, Emine içün iç bir izaat bermedi ve qabaatlavnıñ esasına dair iç bir izaat bermedi. O, FSB hadimleri bergen vesiqanı imzalağanını ayttı. Bu üç resim, qara ve beyaz bayraqlar ve şahtnen. O, qara bayraqnı "Hizb ut-Tahrir" bayrağı, beyaznı ise "İDİL" olaraq belgiledi. Bu bayraqlar kimden kelgenini mütehassıs añlatmadı", — dep Kurbedinov qayd etti.
Onıñ aytqanına köre, bu sorğu "saat"nıñ "makeme"ni Zekeryayevanıñ şahsiyet hususiyetlerine inandırmaq içün daa bir usul bar.
"Makeme" oturış odasına keçmezden evelki soñki oturışlardan biri çarşenbe künü, bozarğan aynıñ 26-da, olacaq.
Cemaat teşkilâtınıñ hatırlatqanına köre, işğalciler Qırımda beş qırımtatarğa qarşı "haber bermeme" davalarını açtılar. Emine Zekeryayevadan ğayrı, aynı qabaatlavlarnı Ridvan Umerov, Ayder Kadırov, Ayder Ablâkimov ve Enver Topçige qarşı da bildirdiler.
Emine Zekeryayeva aqqında ne bilemiz
Zekeryayevanıñ 18 yaşına yetmegen mektepten tış ayşındaki eki balası bar.
2023 senesi arman ayınıñ 7-sinde işğalciler onıñ evini tinttiler. O zaman qız, ana-babasınıñ evinde edi. FSB işçileri evini tintmek içün onı evge alıp ketirdiler. Birazdan qırımtatar qadına, Suriyege ketken ukrain vatandaşınıñ cinaiy davasında şaat olğanı aqqında haber berdiler. Evini tintken soñ taqiqatçılar, Zekeryayevanıñ cep telefonını açmağa tırıştılar. O advokatnı rica etti, amma işğalciler oña telefon etmege izin bermediler.
Bundan ğayrı, evini tintken soñ onı ve aqayını Aqmescitteki FSB binasına alıp ketirdiler.
Berim ayımda belli olmağan bir insan oña daa bir kere telefon etip ayttı ki, onıñ evindeki tintüvde iştirak etti. Adam, taqiqat işleri içün Zekeryayevanıñ Canköydeki işğal Taqiqat eyyetine kelmesini talap etti. Qırımtatar qadını, şeadetname yollamağa soradı. Qurbedinovnıñ sözlerine köre, anonim mecburen kelecegini ve onı "Taqiqat eyyeti"ne alıp ketecegini ayıp qorquttı. Bunıñ içün advokat FSBge soratıcı ariza yazdı, amma oña yazdılar ki, "bozma tanınmadı".
2022 senesi para qış ayında Aqmescitteki işğal politsiyasiniñ işçileri, onıñ aqayı Asan Zekeryayevğa qarşı bir protokol tizdiler. "Makeme" binası yanında bulunğanı sebebinden. Mahsus tutuv müessisesinde 14 künlik memuriy tevqifni keçirdi.
Dört qırımtatar adamına: Ridvan Umerov, Ayder Kadırov, Ayder Adlâkimov ve Enver Töpçige qarşı "haber bermeme" aqqında davalar açtılar.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, "qanunlarğa qarşı faaliyet"te ve böyle degen "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Telegram, Viber ve Facebookta Suspilne Qırım haberlerine abune oluñız
