Ukrainanıñ vaqtınca işğal etilgen topraqlarınıñ reintegratsiya meseleleri nazirligi bildirdi ki, "Serbest Qırımğa mektüpler" malümat kampaniyası çerçivesinde ukrainalılar, qırım siyasiy mabüslerine endi 650 mektüp yazdılar.
Nazirlikniñ matbuat hızmeti bu aqqında haber berdi.
"Teşebbüsniñ maqsadı - cemaatqa, rusiye tarafından qanunsız olaraq apis etilgen ukrain reineleri aqqında hatırlatmaqtır. 2024 senesiniñ soñuna qadar Ukraina ve ecnebiy ülkelerinde merkür malümat kampaniyası devam etecek", — bildirdiler.
Nazirlik hatırlattı ki, Ukrainanıñ vaqtınca işğal etilgen topraqlarınıñ reintegratsiya meseleleri nazirligi, Ukraina prezidentiniñ Qırım Muhtar Cumhuriyetindeki Temsili, Ukrain PEN, "ZMINA" İnsan aqları merkezi bu kampaniyanı teşkil ettiler.
На сайті Мінінтеграції можна ознайомитися із інструкцією щодо написання листа. ReNazirliginiñ saytında mektüp yazuv qaidelerinen tanış olmaq mümkün.
"Mektüp yollağanıñız siyasiy mabüsniñ adını mıtlaqa yazıñız", — nazirlik qayd etti.
ReNazirligi añlattı ki, siyasiy mabüsler cedveli ve şimdi qayda bulunğanlarını Ukraina Prezidentiniñ Qırım MCdeki Temsiliniñ haritasında körmek mümkün.
Telegram ve Facebookta Suspilne Qırım haberlerine abune oluñız
