Bozarğan aynıñ 15. aqşamı Qurban bayramı başlana. Bozarğan aynıñ 16. künü Ukrainada yaşağan musulmanlar camige barışıq içün dua etmege ketecekler.
USQniñ Çalğı taqımınıñ solisti, Qırımnıñ sakini İsmail Qurt-Umer Suspilne Qırımğa ayttı ki, İsveçiyada Cian barışıq sammitiniñ keçkeni timsallidir. Ülkelerniñ eñ az 90 vekili, çoqusı musulman tedbirge qatılfı.
O hatırlattı ki, Ukrainada tahminen 2 million musulman yaşay. 300 cami ve dua evi, 90 musulman bazar mektebi ve 7 ruhiy yüksek tasil oquv yurtu bar.
Qurt-Umerovnıñ sözlerine köre, cenk devrinde tahminen 700 000 musulman işğal astında buluna, 300 000 musulman ise devlet içinde köçti. Camiler ve dua evleriniñ büyük sayısı rus raketaları ve topları tarafından viran etildi. Şu anda USQnıñ er bir 4. taqımında musulanlar hızmet etip, Ukrainanıñ serbestligi be mustaqilligi içün cenkleşeler.
"Ukrainada yaşağan musulmalar, ava telükesi ve patlamalar seslerinen qayd etmege mecbur olğanları soñ bayram olsun, dep dua eteler. Em de dünyadan adalet rica eteler", — зİsmail Qurt-Umer qayd etti.
Bundan ğayrı, o, Qurban bayramına yırnıñ videosı çıqarılacağı aqqında haber berdi. Şu cümleden bu, keçken sene çıqarılğan "Azan"nıñ biraz deñiştirilgen videosıdır.
"Keçken sene biz bu videoanı yayınladıq, lâkin o, ukrain musulmanınıñ yaşayışını yahşıca tesvir ete. Bunıñ içün onı biraz deñiştirip, yañıdan çıqarmağa isteymiz. Şu anda bu ayrıca kerekli bir şey, çünki bugün aqşam başlaycaq Qurban bayramı Barışıq sammiti keçirilgen künü. Bu, musulman ülkelerini ukrain musulmanlarınen birdemli olmağa ve Ukrainağa qol tutmağa yardım ete bilir", — Qurt-Umer qayd etti.
Qurban bayramı — musulman medeniyetinde eki eñ müim bayramlarından biridir. Ara tilinde onıñ adı İd al-adhadır.
Oraza bayramından 70 kün keçken soñ (islâm taqvimine köre Zul-Hicca ayınıñ 10-cı künü), Mekkege acılıqnıñ soñki künü başlap, üç-dört kün devam ete.
2024 senesi bozarğan aynıñ 16. künü Afre künü, Qurban bayramı üç kün devamında bozarğan aynıñ 18. kününe qadar qayd etile.
Telegram ve Facebookta Suspilne Qırım haberlerine abune oluñız
