Qırımnıñ işğalli Yuqarı makemesi, Yaltanıñ 44 yaşındaki sakinini 5 senege maküm etti. 2022 senesi orta küz ayından başlap UHHnen gizli “işdeşlik”RF CQniñ 275.1. maddesite qabaatladılar.
Teşviqiy RİA "Nobosti Qrım" bu aqqında haber berdi.
İşğalli makeme bildirdi ki, 2022 senesi orta küz ayından 2023 senesi çiçek ayına qadar Yaltanıñ sakini, messenger vastasınen UHHnen subet etti. O, uçucısız aletlerni aydamaq ve silâ qullanmaq qabiliyeti aqqında sanki haber berdi.
Bundan ğayrı, işğalciler bildirdiler ki, adam göñülli olaraq RFnıñ quvetlerine muqavemet köstermege istey edi.
Qayd etildi ki, “makeme” qapalı rejimde davanı baqıp üküm çıqardı. İşğalciler, bu davanıñ devlet sırrı olğanını añlattılar.
İşğalli RF FSBnıñ Qırım idaresiniñ matbuat hızmetine atıf eterek, teşviqiy RİA “Novosti Qrım” haber berdi, mayıs ayınıñ 2. künü qabaatlanğan adamnıñ yardımıcısına üküm çıqardı. O, da Yaltanıñ sakinidir.
O zaman rus quvetçileri bildirdiler ki, adam UHHe yarımadadaki içtimaiy-siyasiy, iqtisadiy ve arbiy vaziyet aqqında haber bergen, RF SQniñ obyektleriniñ foto ve videolarını çıqarğan edi.
Hatırlatamız ki, keçenlerde Qırım uquq qorçalayıcı gruppasınıñ idaresiniñ başı Olha Skrıpnık Suspilne Qırımğa haber berdi ki, 2022 senesinden başlap Qırımda işğalciler daa çoq insannı diversiyalar ve casuslıqta qabaatlamağa başladılar. O qayd etti ki, olardan çoqusınen bağlanmaq mümkün degil, olarnıñ adları bildirilmez. Bundan başqa, Olha Skrıpnık, böyle davalarnı işğalciler qapalı rejimde baqqanlarına diqqar celp etti.
Telegram ve Facebookta Suspilne Qırım haberlerine abune oluñız
