Qırımnıñ işğalli Yuqarı makemesi, 2018 senesi RFnıñ bayrağı astında olğan "Nord" Keriç balıqçı gemisini tutqan eki ukrain sıñırcısını 17 senege maküm etti. O zaman taqımı, Ukrainanıñ vaqtınca işğal etilgen topraqlarına kiriş ve ondan çıqış, Azaq deñizimde balıqçılıq qaidelerini bozdı ve Qırımnıñ işğalli akimiyetiniñ organları tarafından berilgen qanınsız gemi ve pasport vesiqalarını berdi.
İşğalli RİA "Novosti Qrım", üküm aqqında haber berdi.
İşğalciler bildirdiler ki, ukrain sıñırcıları müddetiniñ birinci 3 senesini apishanede, qalğanını ise rus müstemlekesinde keçirmeliler.
Qırım uquq qorçalayıcı gruppasınıñ (QUQG) haber bergeni kibi, "makemeci" Sergey Poğrebnâk üküm çıqardı.
2022 senesi mayıs ayınıñ 16. künü komandanınıñ emrine köre "Azovstal"dan çıqqan soñ İvan Tereşçenko ve Vasıl Dmıtrul rus esirligine oğradılar.
"Belli oldı ki, birinciden İvan Tereşçenkonı Olenivkağa, bundan soñ Ğorlivkağa yolladılar, birazdan Aqmescitteki 2. SİZOğa etap etildi. Eñ az 2023 senesi arman ayınıñ 31. kününden başlap Qırımda buluna", – QUQG bildirdi.
İşğalciler, RF CQniñ 126 maddesiniñ 2. p.p.a,v,g,j qısmıinsannı hızrsızlav ve 211. maddesiniñ 3. qısmınasuv naqliyatınıñ gemisini hırsızlav binaen ukrain sıñırcılarını maküm ettiler.
Rus bayrağı astındaki "Nord" balıqçı gemisiniñ tutulması aqqında ne bilemiz
2018 senesi saban ayınıñ 25. künü Azaq deñiziniñ ukrain suvlarında Devlet sıñır hızmetiniñ Deñiz qaravulınıñ gemisi, Rusiye Federatsiyasınıñ bayrağı astındaki "Nord" balıqçı gemisini tuttı. O, Obitoçna belinden 15 milâda toqtatıldı. Taqımı 10 insandan ibaret edi. Gemide 5,7 tonna deñiz malları bar edi.
Ukraina Devlet sıñır hızmetiniñ (UDSH) işçileri vesiqalarını teşkergen soñ ögrendiler ki, kapitanı ve taqımı Ukrainanıñ vaqtınca işğal etilgen topraqlarına kiriş ve ondan çıqış qaidelerini bozdılar. Bundan ğayrı, geminiñ taqımınıñ azaları Azaq deñizinde qanunsız olaraq balıq tuttılar, geminiñ kapitanınen beraber olar, Qırımıñ işğalli akimiyeti tarafından berilgen qanunsız gemi ve pasport vesiqalarını berdiler.
Bundan başqa, o zaman UDSH qayd etti ki, "Nord" gemisi ukraindir. O, işğal etilgen Keriçteki liman da qayd etildi.
Kıyiv tarafından qapatılğan işğal etilgen Keriçten "Nord" gemisi çıqarılğanı içün Qırım MC ve Aqyar şeeriniñ prokurorlığı, cinaiy dava açtı ve saban ayınıñ 30. künü ise ukrain makemesi gemini tevqif etti.
Ukrain sıñırcıları tarafından tutulğan "Nord" balıqçı gemisiniñ kapitanı Volodımır Ğorbenko 2019 senesi qaqra qış ayınıñ 26. künü Melitopol şeerinde ğayıp oldı. Şu sene çiçek ayınıñ 12. künü Kıyivniñ Obolon rayon makemesi onı qıdırğanını ilân etti.
İşğalli RİA "Novosti Qrım" bildirdi ki, taqımınıñ eki azası Belarus topraqlarından Ukrainadan kettiler, yedisi ise "YAMK-0041" ukrain gemisiniñ taqımına deñiştirildi.
Birazdan işğalciler bildirdiler ki, ğayıp olğan Volodımır Ğorbenko tevqiften qaçtı ve 2019 senesi Rusiyege qayttı.
2018 senesi yalı qaravullı gemisiniñ kapitanı-leytenant (o zaman kapitanı) Vasıl Dmıtruk, yuqarı miçman ve sıñır gemisiniñ elektrik ve mehanikiy hızmetiniñ komandanı (o zaman motorcısı) İvan Tereşçenko "Nord" gemisini tuttılar.
Telegram ve Facebookta Suspilne Qırım haberlerine abune oluñız
