Qırımda bölüklerinden biriniñ saylav eyyetiniñ işğalli başı ğıyabiy şekilde maküm etildi. Onı duşmannen işdeşlikUkraina CQniñ 111-1. maddesiniñ 5. qısmıte qabaatlı tanıdılar, 12 senege devlet hızmeti ve yerli öz-özüni idare etüvinen bağlı vazifelerni yapmağa yasaq ettiler ve 8 senege apis etmege maküm etti.
Qırım MC ve Aqyar şeeriniñ prokurorlığınıñ matbuat hızmeti bu aqqında haber berdi.
Makemede prokurorlar isbatladılar ki, yarımada işğal etilgen soñ qabaatlanğan qadın göñülli olaraq işğalli akimiyet organlarında çalışmağa başladı. Şu cümleden, 2022 senesi oraq ayında "Qırım Cumhuriyetiniñ Canköy şeeriniñ 67. saylav bölüginiñ yerli saylav eyyetiniñ başı" vazifesine tayin etildi. Bundan evel 2014 senesinden soñ o, Canköy şeeriniñ işğalli memuriyetinde çalışqan edi.
"Öz areketlerinen makm etilgen qadın, tecavuzcı bir devletniñ işğalli siyasetini vaqtınca işğal etilgen yarımadada yerine ketirmege yardım etti, Qırımda RFnıñ qanunsız saylav ceryanını idare etti", — bildirildi.
Qırım MCdeki Ukraina Havfsızlıq Hımetiniñ bilgilerine köre, işğal etilgen yarımadada maküm etilgen qadın, işğalli rejimni "qanunlaştırmağa" yardım etti. Bundan ğayrı, qırım balalarını faalca teşviq ete.
"Qayd etildi ki, duşmannen işdeşlik yapqan qadın, mektepçilernen böyle degen "terbiye körüşüvleri"ni keçire edi. Böyle "tedbirler"de o, rus teşviqiy malümatı ve sahte ikâyelerini añlata edi", — bildirildi.
Maküm etilgen qadınnıñ vaqtınca işğal etilgen topraqlarda bulunğanı sebebinden bizim devletimizge qarşı cinayetler içün onı mesüliyetken çekmek içün kompleksli tedbirler keçirilir.
Prokurorlıq, maküm etilgen qadınnıñ adını bildirmedi, amma Suspilne Qırım öz menbalarından Spajakina Nataliya aqqında laf etkenimizni ögrendi.
Qırım MC ve Aqyar şeeriniñ prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana.
Aynı zamanda adam tutulğan vaqıttan berli ceza müddeti başlap sayıla.
Telegram ve Facebookta Suspilne Qırım haberlerine abune oluñız
