Aqmescitte "Açuvlı Mavka" qadın partizan areketiniñ faalcileri işğalcilerge muqavemet köstermege devam eteler. Bunı yapmaq içün olar ukrain şiiriyetini qullanalar.
"Açuvlı Mavka" partizan areketiniñ Telegram kanalında bu aqqında haber berdiler.
"Aqmescitli mavkalar ukrain yazcılarınıñ eserlerinden sözlerinen şeerni yaraştıralar. Olar, orklarnıñ Qırımda muqavemet mevcut olmağanından yañlış eminligini yoq eteler", — bildirildi.
Partizan areketi, qadınlarnıñ tarqatqanları ukrain yazıcılarınıñ ifadeleriniñ fotoresimlerini yayınladı.
"Mavkalar, tsirki içün ketmek vaqtı kelgenini şu klounlarğa köstereyik. Küreşiñiz ve mıtlaqa yeñeceksiñiz!", — qadın partizanlar çağıralar.
Telegram ve Facebookta Suspilne Qırım haberlerine abune oluñız
