Qırım MCdeki UHHniñ Baş idaresi, Yaltanıñ işğalli başınıñ birinci muavinine şübe bildirdi. Tecavuzcı bir devletnen işdeşlikUkraina CQniñ 111-1. maddesiniñ 5. qısmı yapqanı ve yardımUkraina CQniñ 111-2. maddesiniñ 5. qısmı etkeni sebibinden onı 12 senege maküm ete bilirler. Bildirildi ki, tamam o, "Masandra" şarap zavodını qanunsız olaraq satmağa çalıştı.
Qırım MC ve Aqyar şeeriniñ prokurorlığınıñ matbuat hızmetiniñ resmiy haberinde qayd etildi ki, 2014 senesinden berli şübelengen adam Yaltanıñ işğalli memuriyetinde çalışa edi.
Taqiqatçılarnıñ bilgilerine köre, 2022 senesi qara qış ayında o, işğal etilgen şeerniñ "başınıñ muavini" vazifesini aldı, 2023 senesi orta küz ayında ise onıñ "birinci muavini" oldı.
Qırım MCdeki UHHniñ Baş idaresi añlattı ki, işğalli akimiyet şübelengen adamnı Yaltanıñ "başınıñ muavini" vazifesine tayin etmeden evel "Masandra"Ukraina ve Avropanıñ eñ büyük yüzüm ve şarap işhanelerinden biridir. O, 9 birinci ve ekinci şarap çıqaruvı ve 3 mustaqil zavoddan ibarettir. "Masandra"nıñ baş işhanesi Yalta şarap zavodıdır. Rusiye tarafından Qırım işğal etilmeden evel "Masandra" şarap kombinatı 60 markalı ve birer şarap makrasını çıqarğan edi. Er sene tahminen 10 biñ şişe çıqarılğan edi. kontserniniñ baş müdiri vazifesine tayin etti.
"Şübelengen adam "Masandra"nıñ müdiri olğan soñ tecavuzcılar onı rus bayı ve Putinniñ "dostu" olğan Yuriy Kovalçukqa qanunsız olaraq sattılar", — Baş idafre qayd etti.
Qırım MCniñ prokurorlığı haber berdi ki, 2023 senesi Yaltanıñ işğalli memuriyetiniñ binasında teşviqiy medilarnıñ vekilleri içün tedbirde şübelengen adam, şeerde RF SQniñ askerleri, OMON ve Rosgvardiyanıñ bölüklerine malzeme resurslarını aluv noqtasını açqanını bildirdi.
"Bundan soñ tecavuzcı bir devletniñ silâlı birleşmelerine generatorlar, ratsiyalar, gece körüv aletleri, gizleyici ağlar, qurucılıq malzemeleri, arbiy urba ve ilâhre sıq bere edi. Böyle "göñülli" faaliyeti içün "SVO Veteranlarınıñ birligi"nden "Gumanitar missiyanıñ qaramanı" medalını aldı", — prokurorlıq bildirdi.
Eki ukrain müessisesi, şübelengen adamnıñ adını bildirmedi.
Suspilne Qrımnıñ haberi olğan menbaları haber berdiler ki, biz Serhiy Bannov aqqında laf etemiz.
Telegram ve Facebookta Suspilne Qırım haberlerine abune oluñız
