On sene vel 2014 senesi mayıs ayınıñ 30. künü işğal etilgen Qırımda "Ukrain evi"niñ faalcisi Seyran Zinedinov ğayıp oldı. Onıñ qayda olğanı alâ daa belli olmay.
Qırımtatar Maaliy Merkezi (QMM) bu aqqında haber berdi.
Bildirildi ki, faalci keçmişte ğayıp olğan Timur Şaymardanov ve Leonid Korjnı qıdırmağa çalışqan edi.
2014 senesi mayıs ayınıñ 30. aqşamı Seyran Zinedinov, Timur Şaymardanovnıñ apayınen körüşti ve Timurnıñ böyle degen "Qırım öz-özüni mudafaası" yanında ola bilgenini bildirdi, amma körüşüvden evge qaytmadı.
QMM hatırlattı ki, ğayıp olğanı sebebinden em işğal etilgen Qırımda, em de qıtaviy Ukrainağa cinaiy dava açıldı.
RF CQniñ 105. maddesiniñ 1. qısmınaöldürüv binaen cinayet alâmetlerine köre Qırım Cumhuriyetindeki böyle degen RF Taqiqat eyyetiniñ taqiqat idaresi cinaiy dava açtı. Faqat işğalcilerniñ "taqiqat işleri"niñ muvafaqiyetli neticesi yoq edi.
Telegram ve Facebookta Suspilne Qırım haberlerine abune oluñız
