Rusiye tarafından qanunsız olaraq tutulıp tevqif etilgen siyasiy mabüslerini destek etmege yönelgen "Serbest Qırımğa mektüpler" aktsiyası, bu seneniñ soñuna qadar devam ete.
ZMINA İnsan aqları merkezi bu aqqında haber berdi.
Nasıl qatılmaq mümkün?
- Ukraina Prezidentiniñ Qırım MCdeki Temsiliniñ saytında siyasiy mabüsler cedveli ve olarnıñ tevqif etilgeni yerlerinen haritağa baqıñız.
- Mektüp yazıñız: adıñız, özüñiz aqqında bir şey ve ne içün yazmağa qarar alğanıñıznı yazıñız. Etrafıñızda, dünyada ne olğanını, filmler, kitaplar, seyaatlar, vaqialar iş aqqında bir şey yazıñız. Duyğulı ve külkünçli ikâyelerni añlatıñız, fikirleriñiznen paylaşıñız.
ZMINAnıñ saytında mektüplerni yazuv qaidelerinen tafsilâtlıca tanış olmaq mümkün.
Siziñ içün uyğun vastanen mektüp yollañız
Poçta adresi (mektüpni yollağan insan para ödey):
- İnsan aqları aqqında malümat merkezi, a/s V-539, Kıyiv ş., 01001.
- Email: [email protected].
Hatırlatamız ki, keçken sene uquq qorçalayıcılar, Kreml reineleri içün 300 mektüp aldı. Siyasiy mabüsler deyerli episini aldılar. Bundan ğayrı, siyasiy mabüsler de insanlarğa destek etkenleri içün teşekkür bildirdiler.
Telegram ve Facebookta Suspilne Qırım haberlerine abune oluñız
