AQŞda ağır hastalıq sebebinden qırım jurnalisti ve fotorgafı Andiy Kanişçev vefat etti. O, "Qırım.Aqiqat" içün maqalelerni yaza, "Andriy Kanişçevnen lezetli" aş radioyayınınıñ alıp barıcısı olaraq belli edi.
Mayıs ayınıñ 26. künü Facebook saifesinde jurnalistniñ balaları Serhiy ve Anastasiya haber berdiler.
"2024 senesi mayıs ayınıñ 25. künü Kaliforniyadaki San Hosede vefat etti. O, merametli insan edi ve ayatını begene edi", — bildirildi.
"Qırım.Aqiqat" haber berdi ki, Andriy Kanışçev, bu leyha içün tam başlanğıcından maqalelerni yazğan edi.
"Telükesizlik sebeplerinden jurnalist farqlı, hususan, Kirill Avtokhtonov ve Maksim Kobza yazuvlı adları ile yayınlağan edi", — "Qırım.Aqiqat" qayd etti.
Belli oldı ki, 2016 senesi işğalli FSBniñ işçileri jurnalistniñ Aqmescitteki evini tinttiler, o zaman tehnikası ve fotoapparatını alıp çıqardılar.
"Qırım.Aqiqat" haber berdi ki, bundan soñ o, Qırımdan ketip, bir qaç sene Kıyiv şeerinde yaşağan soñ AQŞda yaşağan ailesine ketti. Soñ zamanlarda ise ağır hasta edi.
Telegram ve Facebookta Suspilne Qırım haberlerine abune oluñız
