Mayıs ayınıñ 23. aqşamı Kezlev rayonında Saq şeeri yanında ve işğal etilgen Qırımnıñ Aqmescit şeeriniñ şimalinde küçlü patlamalar duyuldı.
Yerli sakinler Suspilne Qırımğa bu aqqında haber berdiler.
"Şeerde eki küçlü patlama duyuldı. Dairede pencereler titremege başladı", — Kezlevniñ sakini añlattı.
Daa bir şaat qayd etti ki, Saq şeeri tarafından tahminen beş patlama duydı, olardan ekisi küçlü edi.
"Bizde GRESte bir qaç küçlü patlama duyuldı, azbardan maşnalarnıñ sirenası çalışmağa başladı", — Aqmescit rayonınıñ Gresovskiy qasabasınıñ sakini haber berdi.
Bundan ğayrı, işğal etilgen Aqyarda deñiz yoldaş naqliyatı çalışmağa toqtadı.
Qırımnıñ cenübiy yalısında Aluşta rayonında patlamalarnıñ videolarını çıqardılar. Yerli sakinleri, Aluştada eñ az 5 küçlü patlama olğanını bildirdiler.
"Men şeerde tahminen 5-6 patlama duydım. Pek küçlü ve qorqunçlı patlamalar edi, evniñ pencereleri titrediler", — Qırımnıñ sakini ayttı.
Aqmescit rayonında "raketa ücümi" neticesinde "eki insan öldi", dep Qırımnıñ "başı" Sergey Aksöznov Telegram kanalında haber berdi.
"Bundan ğayrı, Aluşta rayonında boş hocalıq obyektine raketa urdı. Yerde Fevqulâde Vaziyetler hızmetiniñ işçileri çalışalar", — yazdı o.
Ukrain tarafı, bu bilgilerni tefsir etmedi.
Telegram ve Facebookta Suspilne Qırım haberlerine abune oluñız
