Qırımda işğalli akimiyet organlarına hızmet etken, "Qırımkom Yug" internet-teminatçısınıñ baş müdiri İvan Serğiyenko duşmannen işdeşlikUkraina CQniñ 111-1. maddesiniñ 4. qısmı yapqanı içün ğıyabiy şekilde maküm etildi.
Qırım MCdeki UHHniñ Baş idaresiniñ matbuat hızmeti bu aqqında haber berdi.
Qayd etildi ki, bu "şirket" yarımadadaki RFnıñ sahte müessiselerini alâqa ve internetnen temin ete.
"Taqiqatçılarnıñ bilgilerine köre, Serğiyenko RFnıñ milliy gvardiyasınıñ ordusınıñ müessiselerden tış qaravulları ve arbiy qısımlarınen onlarca "añlaşma" imzaladı. O sebebinden eñ az 30 mln ruble≈ 13 mln grn cinaiy para aldı", — dep bildirildi.
Bundan ğayrı, maküm etilgen adam, işğal etilgen “Menim vesiqalarım“ devlet ve belediye hızmetleri merkezleri“ni kommunikatsiya kanalları ve tehnikiy desteknen temin ete edi.
Serğiyenkonıñ reberliginen "Qırımkom Yug" işğalli nazirlikler, quvet müessiseleri ve RFnıñ başqa sahte müessiselerine hızmet ete edi.
"Tecavuzcı bir devletniñ iqtisadiyatına isse qoşqanı içün 2023 senesi Serğiyenko "seneniñ eñ yahşı reberi" mukâfatını aldı. 2014 senesi mayıs ayından berli duşmannıñ yardımcısı cinaiy "kâr" ala. Duşmannen işdeşlik yapqan adam, rus "qanunları"na köre öz şirketini "qayd etti" ve RF banklarınıñ yerli "bölükleri"nde esaplarnı açtı", — dep bildirildi.
Havfsızlıq hızmetiniñ taqiqatçılarınıñ toplağan bilgilerine köre, Ukraina CQniñ 111-1. maddesiniñ 4. qısmıduşmannen işdeşlikna binaen makeme adamnıñ qabaatını tanıdı. Serğiyenkonı 4 senege ğıyabiy şekilde maküm etildi.
Adam, Ukrainanıñ kontrol etken topraqlarında bulunmağanı sebebinden onı tapıp, Ukrainağa qarşı cinayeti içün onı mesüliyetke çekmek maqsadınen kompleksli tedbirler keçirile.
Qırım MC ve Aqyar şeeriniñ prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana.
Aynı zamanda adam tutulğan vaqıttan berli ceza müddeti başlap sayıla.
Telegram ve Facebookta Suspilne Qırım haberlerine abune oluñız
