2023 senesi arman ayında Bağçasaray şeerinde tutulğan Eldar Yakubovnıñ apayı, Aqmescitteki 2. SİZOda aqayıneb körüşmege ilk kere izin aldı.
O, “Qırım birdemligi”be bu aqqında haber berdi.
Qayd etildi ki, sekiz ay devamında qadınğa aqayınen körüşmege izin bermegen ediler.
Eldar Yakubov apayına haber berdi ki, onıñ başı ağıra ve başında şamata eşitile. Apishane ekimi, onıñ yüksek basımını — 160/100 — qayd etti ve qırımtatar adamınıñ bir buçuq afta içkeni ilâçlarnı yazdırdı. Amma başı ağırmağa devam ete. Bundan ğayrı, Ayşe qayd etti ki, aqayı pek azladı.
Eldar, apishaneniñ şartlarınıñ pek şiddetli olğanını bildirdi.
“Qaidelerge riayet etmegeni içün onı “bir kişilik”ke oturtalar ya da “şiddetli rejimli qat”qa alıp ketireler. Yatmağa izin bermeyler, ayaqlarnı yataqqa qoymaq yasaq, kün maalinde tek oturmaq mümkün. Saba saat altında uyanalar, saat 22de yuqlamağa keteler”, - dep Ayşe aqayınıñ sözlerini añlattı.
Apis etilgenler aftada bir kere, bazıda suvuq suvnen yuvunalar. Aş lezetli degil, ve botqanıñ qaysı kürpeden pişirilgeni sil sil belli olmay. Bu sebebinden aqayları olarnı aş terbiyesini bermege rica eteler.
Hatırlatamız ki, arman ayınıñ 24. künü saba saat dörtte rus quvetçileri, altı qırımtatar adamınıñ evlerini tinttiler: Seidamet Mustafaev, Eldar Yakubov, Abdulmecit Seitumerov, Ruslan Asanov, Amethan Umerov ve Remzi Nimetulayev.
Beş adam - içtimaiy faalciler ve çoq balalı babalardır, Seitumerovnıñ balası keçenlerde doğdı. Abdulmecit, Bağçasaraydan eki siyasiy mabüs Osman ve Seitumer Seitumerovnıñ doğmuş qardaşı. Olar, 2020 senesi saban ayında tevqif etildi, 17 ve 14 senege maküm etildi.
Tevqif etilgen qırımtatarlarnı deste etmek içün tüm altı Bağçasaraylı faalcini aktsiyalarda bir qaç kere turuldı.
Telegram ve Facebookta Suspilne Qırım haberlerine abune oluñız
