2024 senesi tatil mevsiminden evel rus turistleri işğal etilgen Qırımdaki şihanelerine bedava bile etmege red eteler. Bozarğan ayda insanlar yoq olğanı içün şifahanelerni qapata bilirler.
Yalta şifahanesiniñ işçisi Suspilne Qırımğa bu aqqında haber berdi.
"Keçken cumaaqşamı künü (mayıs ayınıñ 2-si — muar.) bizge insanlar keldiler. Üç aftağa çoq insan, 80 insan, kelecek edi. Amma tek 15 insan keldi. Ve bu Rusiyeden kelgen imtiyazlılar edi, yani bedava keldiler. Böylece devam etse, bozarğan ayda şifahanemizni qapata bilemiz", — dep qayd etti.
Aynı zamanda Saqtaki şifahanesiniñ işçisi añlattı ki, mayıs ayınıñ 6-sında insanlar kelecek ediler. 30 insan kelecek edi, amma kimse kelmedi.
"Mayıs ayında bu, ilk vaqiadır. Belki insanlar, Qırım köprüne mümkün olacaq ücümden qorqalar, amma Qırımdaki vaziyet pek kergin", — dep tafsilâtlıca añlattı o.
Telegram ve Facebookta Suspilne Qırım haberlerine abune oluñız
