Ukrain askerleri, işğal etilgen Qırım rayonında rus askerleriniñ deñiz obyektlerine operatsiyalarnı semerelice yapmağa başladılar. Ukrain deñiz dronlarınıñ "sırası" er vaqıt yañı usul qullanmağa yardım etkeni içün işğalcilerniñ uyğunlaşmağa vaqtı olmay.
"Suspilne. Studiya"nıñ canlı yayınında "Strategiya XXI" Globalleşüv merkeziniñ arbiy programmalarınıñ reberi, eski I. seviyeli kapitan Pavlo Lakiyçuk bu aqqında haber berdi.
Onıñ sözlerine köre, mayıs ayınıñ 6. künü gece maalinde Ukraina MNniñ Bİİniñ mahsus askerleri, Qırımnıñ ğarbındaki Tarhan Qut burnu rayonında RF Qaradeñiz flotunıñ tez katerini ücüm ettiler. O yerden ruslar öz kiçik vastalarınen (desant gemileri ya da destan-ücüm katerleri) Özü-Buğ limanı ve Özü neerine "korsan olaraq ücüm ettiler".
Lakiyçuk bildirdi ki, 2023 senesi boş ayda Bİİ, Qaradeñiz flotunıñ endi eki "Serna" türlü tez kiçik desant katerini yoq etti. Bu devirde işğalciler, o yerden katerlerini alıp çıqmadılar.
"Elbette, tehnika ceetinden işimiz daa semereli oldı. Taktika ceetinden deñiz ve tek deñiz olmağan dronlarnı qullanaraq tecribe alamız. Tehnika ceetinden, Magura — kelecekte teklif ve ihrac etmek içün endi halqara sergilerde köstergenimiz eñ belli drondır. Esası şunda ki, em Sea Baby, em de Magura ve başqa deñiz dronaları —duşmannıñ gemilerini yoq etici vazifeler ve uzunlıqqa bağlı olğan çoq dronımız bar. Er bir taktika, ücüm vastalarını saylay bilemiz: Qırımnıñ ğarbı kibi yaqın yerlerde daa gizli, tez, kiçik dronlar, Novorosiyskke uça bilecek dronlar ise başqadır", — dep añlattı.
Mütehassıs qayd etti ki, rus askerleri ukrain tektikaları ve tehnikalarınıñ deñişmelerine adaptatsiya olmağa yetişmeyler.
Bundan ğayrı, o qoştı ki, öz gemilerini gizletmek içün işğalciler alâ daa bonlu, ağlı qoralar ve biraz batılğan barjalarnı qullanalar. Bundan başqa, gemilerge qarşı uçqan aletlerni qullanaraq helikopterlerde dronlarnı tapmağa tırışalar.
"Amma bu askerlerimiz, müendislerimizni yañı yöneliş tarzları, duşman quvetlerini yoq etüv ve yañı vastalarını tüşünip çıqarmağa ilhamlandıra. Şu cümleden, halq arasında yañı dronlar aqqında malümat tarqatıla. Neticesinde bu yañı dronlar, yarısı batılıp areket etecekler, yani suv üzerindeki degil, yarım suv astındaki dronlar olur. Bu, duşmannıñ mudafaacı top ateşlerinden saqlanmağa imkân berecek", — dep Lakiyçuk tasfilâtlarını añlattı.
Telegram ve Facebookta Suspilne Qırım haberlerine abune oluñız
