Mayıs ayınıñ 6. künü gece maalinde işğal etilgen Qırımda Ukraina Mudafaa nazirliginiñ Baş İstihbarat İdaresiniñ mahsus askerleri operatsiya keçirdi, onıñ neticesinde Magura V5 deñiz dronları rus askerleriniñ tez katerini ücüm ettiler.
İstihbarattaki Suspilneniñ menbası bu aqqında haber berdi.
Subetdeşler añlattılar ki, bütün gece Bİİnin askerleri, işğal etilgen Qırımnıñ ğarbiy yalısındaki Kezlev rayonınıñ Tar körfezi rayonındqa operatsiya keçirdiler.
Birazdan Ukraina MNniñ Baş istihbarat idaresi öz Telegram kanalında tasdıqladı ki, tez kater ücüm etilip bozuldı.
"Ukrain ücümlerinden qorqaraq, işğalciler Qaradeñiz flotunıñ büyük gemilerini yarımadadan çıqarıp saqlaylar. Qırımnıñ ukrain suvlarında qanunsız olaraq bulunğan ruslarnıñ tez manevr arbiy gemilerine qarşı arbiy iş devam ete", — dep istihbaratta añlattılar.
Olarnıñ bilgilerine köre, Magura V5 deñiz dronları endi "Tsezar Kunikov", "İvanovets", "Sergey Kotov", Akula" ve "Serna" kibi rus gemilerini yoq etmege ve işğalcilerniñ orta istihbarat gemisi "İvan Hurs"nı bozmağa yardım ettiler.
Telegram ve Facebookta Suspilne Qırım haberlerine abune oluñız
