Rusiyede Kırılo Barannık ve daa yedi ukrainalınıñ davasını baqmağa başlaycaqlar: ne bimeliz

Rusiyede Kırılo Barannık ve daa yedi ukrainalınıñ davasını baqmağa başlaycaqlar: ne bimeliz

Ексклюзивно
Kırılo Barannık
Kırılo Barannık. facebook.com/Oleh Rozhko

Mayıs ayınıñ 2. künü rus Rostov-na-Donudaki Cenübiy bölge arbiy makemesinde Aqmescitli sport ustası Kırıl Barannık ve daa yedi insannı maküm etecekler. Olarnıñ çoqusını “terror faaliyeti”RF CQniñ 205.nde qabaatlaylar.

Qırım uquq qorçalayıcı gruppasınıñ uquq qorçalayıcısı İrına Sedova Suspilne Qırımğa bu aqqında haber berdi.

Onıñ tutuluvı

2023 senesi mayıs ayınıñ 30-ında işğal etilgen Aqmescitniñ yalı kenarında 26 yaşındaki Barannık tutuldı.

“Qırım uquq qorçalayıcı gruppası“nıñ mütehassıs İrına Sedova qayd etti ki, Kırılo Barannıknı azapladılar ve cinayet yapqanını tanımağa mecbur ete ediler.

“O bildirdi ki, cinayet yapqanını tanıması içün onı pek ciddiy şekilde azapladılar. Kiçik aynıñ 23. künü Bağçasaray rayonınıñ Bazarçıq qasabasındaki demiryolnı patlatmağa tanımağa mecbur ettiler. Birazdan onı daa bir cinayetke qabaatlamaq içün daa çoq azaplamağa başladılar. Demiryolnı patlatmağa qabaatladar”, - dep haber berdi.

2023 senesi mayıs ayınıñ 3-ünde Serhiy Voynarovskıy, Viktor Pidvalnıy, Serhiy Krıvoşeyin, Denıs Petranov ve İhor Zorin de tutuldı.

“Tutulğan adamlardan biri Denıs Petranov Qırımda tutuldı, o aydayıcıdır. İnsanlarnı Gürcistanğa alıp ketirerek para qazanğan edi. Gaz ocağı şeklinde patlayıcı alıp ketirgeni sebebinden onı tuttılar”, - dep İrına Sedova qayd etti.

Barannık ve başqalarnı nede qabaatlaylar

İşğalciler Serhiy Barannıknı RF Cinaiy qanunamesiniñ altı maddesine binaen qabaatlaylar: devlet hainligiRF CQniñ 275., patlayıcı aletlerni qanunsız saqlavıRF CQniñ 222.1, patlayıcı aletler ya da patlayıcı malzemelerni sıñırdan keçirüviRF CQniñ 226.1, terror birleşmesinde iştirakRF CQniñ 205.4, terrak aktını yapuvıRF CQniñ 205., terror faliyetinen oğraşmaq içün oquvRF CQniñ 205.3.

Olarnı Qırımnıñ işğal başı Sergey Aksönov ve “Qırım Devlet şurasınıñ başı” Vladimir Kostântinovnı öldürmege tırışmağa qabaatladılar. Quvetçiler, Barannıknıñ Acı Qal köyü yanındaki demiryolnı patlatmağa itiraf etmesini talap ete ediler, amma adam bunı yapmağa red etti.

İrına Sedova hatırlattı ki, mayıs ayınıñ 3-ünde başqa insanlar da tutuldı. Olarnı Qırımnıñ işğal başı Sergey Aksönov ve “Qırım Devlet şurasınıñ başı” Vladimir Kostântinovnı öldürmege tırışmağa qabaatladılar. Daa eki tutulğan qadın Olha Kravçuk ve Olena Voynarovskanı “patlayıcı aletlerni qanunsız saqlamağa”RF CQniñ 222.1 qabaatlaylar.

Çiçek ayınıñ 23-ünde "Qırım epizodı" teşebbüsiniñ uquq qorçalayıcısı Telegramda haber berdi ki, adamlarnıñ davalarını birleştirdiler. Mayıs ayınıñ 2-sinde birinci oturış olacaq.

Uquq qorçalayıcı emin oldı ki, “er bir ukrainniñ ya diversiyacı ya da terrorcı olğanlarını” köstermek içün ruslar bu tutulğan insanlarnı teşviqat olaraq qullanalar. Böylece, analitikacı qayd etti ki, işğalciler Ukrainağa qarşı tecavuzını aqlaylar.

“Şimdi olar Kırılonıñ davasını başqa tutulğan adamlarnıñ davasınen birleştirip, onı makemege yolladılar. Qırımnıñ tüm başlarını öldürmege tırışqan “terror birleşmesi” olaraq olarnı birlikte maküm etecekler. Bu insanlar, siyasiy repressiyalarnıñ fedalarıdır, bu qabaatlar sahtedir. Deliller yoq”, - dep uquq qorçalayıcı Sedova qayd etti.

İrına Sedova qayd etti ki, tutulğan başqa adamlar aqqında az bilgi bar.

"Yazıq ki, başqa insanlar aqqında az bilgimiz bar. Biz bilmeymiz, olarnen bağlanamamız ve olarnıñ advokatı kim olğanını bilmeymiz. Belki, FSB “advokatları”. Ayta bilgenim tek şey - Valeriya Opanasenko davanı baqacaq. Bu makemeci, Rostov makemesinde çoq siyasiy davada iştirak etken makemecidir”, - dep analitikacı añlattı.

Kırılo Barannık aqqında ne bilemiz

Suspilne Qırım jurnalistleri Ukraina ulu idmancısı Andriy Podgayetskiynen laf ettiler. O, işğalciler tarafından “terrorcılıq”ta qabaatlanğan Kırılo Barannıknıñ idmancısı edi.

Rusiyede Kırılo Barannık ve daa yedi ukrainalınıñ davasını baqmağa başlaycaqlar: ne bimeliz
Andriy Podğayetskıy, Ukraina ulu idmancısı, Kırıl Barannıknıñ idmancısı. Фото: Суспільне Крим

"O, biraz keç sportnen oğraşmağa başladı, amma tezce inkişaf etti. 2013-2014 ss. devrinde Ukrainanıñ yaş taqımınıñ azası edi. Portugaliyada Avropa çempionatında taqımımıznıñ azası edi. Bundan ğayrı, 2014 senesi Makedoniyadaki çempionatında iştirak etti, - dep Podğayetslıy añlattı.

İdmancı tüşüne ki, FSB Kırılonı qabaatlay, çünki o oñaytlı bir maqsattır.

"Men eşittim ki, Kırılnı er bir cinayette qabaatlamağa tırıştılar. Amma bu, FSBniñ adiy areketidir. Ne içün? Çünki bir qabaatqa uyğun olğan bor insan olsa, belki de bu insannı qabaatlamağa daa qolay olur. Nasıldır global şekilde bu mesele al etmeden. Ya da bu topraqtan öz tuvğan Rusiye topraqlarına ketmeden. Ve böylece bu kibi vaziyet olmaz”, - dep Kırılonıñ idmancısı tüşüne.

Rusiyede Kırılo Barannık ve daa yedi ukrainalınıñ davasını baqmağa başlaycaqlar: ne bimeliz
Portugaliya Yaş taqımı, 2013 senesi. Kırılo Barannık birinci sırada birinci sol tarafında. Фото: особистий архів Андрія Подгаєцького

O añlattı ki, Kırılonıñ er vaqıt ukrain taraflı nazar noqtası bar edi, çünki anda doğdı ve Ukrainada yaşağan edi.

Rusiyede Kırılo Barannık ve daa yedi ukrainalınıñ davasını baqmağa başlaycaqlar: ne bimeliz
Yaşlılar taqımı Makedoniya, 2014 senesi. Kırılo Barannık aşağıdaki sıranıñ sağ tarafında soñ. Фото: особистий архів Андрія Подгаєцького

"Qırım yarımadasında qalğan insanlar nasıldır muqavemet kösterseler, öz devletini qorçalaylar, demektir. Ve bu insanlar Ukrainada doğdılar, Ukrainada yaşağan ediler. Ve olar Ukrainanıñ menfaatını qorçalay ediler. Bu olsa edi, bu sistemanıñ nasıl çalışqanını bilip, vaziyet rus makemeleriniñ añlatqanından farqlı ola bilir", - Podgayetskıy ayttı.

Telegram ve Facebookta Suspilne Qırım haberlerine abune oluñız

На початок