2024 senesi işğal etilgen Qırımnıñ yalısında 226 ölgen yunus balığı qayd etildi, ölgenlerniñ yarısı çiçek ayında tapıldı.
"Bezmâtejnoye more" işğal merkezi bu aqqında haber berdi.
İşğalicler, qara qış ayınıñ 1. kününden berli ölgen yunus balıqlarınıñ böyle çeşitlerini qayd ettiler: afalinler – 7%, beyaz yanlılar – 16%, azovlılar – 66%, belli olmağan çeşitler – 11%.
İşğal merkeziniñ bilgilerine köre, Qırımnıñ yalısında doquz canlı yunus balığı tapıldı. Eñ çoq süt emici Aqyar (40%), Kezlev rayonı (eski Saq rayonı), Kezlev (16%) ve Kefe rayonında (11%) tapıldı.
İşğalciler bildirdiler ki, ölümleriniñ esas sebepleri arasında kaşeksi, ağır hastalıqlar, balıqçı ağından yaralar (kesilgen quyruq, bedelerde yipler, yaralar) ve neonatal ölüm.
"Merkez"niñ bilgilerine köre, tapılğan bedenlerniñ çoqusı faalca parçalağanı sebebinden ölümniñ sebebini ögrenmekni zorlaştıra.
Hatırlatamız ki, keçenlerde ekolog Yevhen Hlobıstov ve ayvancı Pavlo Ğoldin Suspilne Qırımğa işğal etilgen Qırım rayonından yunus balıqlarınıñ kütleviy ölüminiñ sebeplerini añlattılar. Olardan eñ esası — Rusiyeniñ arbiy areketleri ve Qara deñizde rus arbiy gemileriniñ mevcudiyeti. Suvda yunus balıqları radiolokatsiya qullanaraq yaldaylar. Suv tübündeki gemiler ve rus gemileri ise gidrolokatsiya qullanalar. Bu sebepten yunus balıqları coyulğanı sebebinden öleler.
Telegram ve Facebookta Suspilne Qırım haberlerine abune oluñız
