Vaqtınca işğal etilgen Qırımda tapılğan ölgen yunus balıqlarınıñ sayısı arta. Şu cümleden, 2024 senesi saban ayında eñ az elii deñiz süt emicisi yalıda tapıldı.
Saban ayınıñ 28-inde "Bezmâtejnoe More" rus Deñiz süt emicilerini ögrenüv, qurtaruv ve reabilitatsiya etüv merkezi bu aqqında haber berdi.
"Tek soñ 6 künü boyunca Frilingge (Mıkolayivkağa) Aqyarnıñ Şimaliy tarafınıña yalısınd 22 yunus balığı tapıldı. Bizim göñüllilerimiz ve biz 6 yunus balığını baqa bildik, ayrıca Kimmini eybetledik. Qayd etilgen ayvanlar arasında eñ çoq beyaz yanlı bar, amma bir afalina da tapıldı — Kimminen tahminen aynı yaşta olğan ırğaçı. Ölgen yunus balıqlarınıñ qısmında balıqçılarnıñ ağlarınıñ izleri bar", — dep bildirildi.
Qayd etildi ki, umumen saban ayında endi elliden çoq yunus balığı yalıda tapıldı, amma çiçek ve mayıs aylarında bu sayınıñ artacağını bekleyler.
Telegram ve Facebookta Suspilne Qırım haberlerine abune oluñız
