Rusiyeniñ Ukrainağa tolu miqyası tecavuzı başlağan soñ 2 sene boyunca işğal etilgen Qırımda "RF SQni itibardan tüşürgeni" sebebinden 630 dava qayd etildi. Umumen bu maddege köre yerli sakinler tahminen 25 million rubletahminen 10,7 mln grn ceza ödediler.
Telegramda "Qırım ketişatı" uquq qorçalayıcı teşkilâtı bu aqqında haber berdi.
Olarnıñ bilgilerine köre, para cezası 30-50 biñ rubledir (21 biñ grivnağa qadar). Ükümniñ sayısını qoşsaq, umumen 18,9 - 31,5 million ruble (13,4 million grivna) olur.
"Bu, yerli makemelerniñ ükümlerinde qayd etilgen dos-doğru ve añlaşılır maliyeviy zarardır. Amma "itibardan tüşürgeni" sebebinden ceza tek paradan ibaret olmay. Bu "maskalar şousı" saba erte şu insanlarnıñ evlerini tintmege keleler, cep telefonları ve laptoplarını alıp çıqaralar, içtimaiy ağlarda olarnı nefret eteler, işten çıqaralar ve "uquqiy tolerant devletniñ" başqa areketleridir", — dep bildirildi.
Teşkilât qayd etti ki, bu bilgiler ideologiya farqlılıqları sebebinden çoq insannıñ taqiplerini köstereler. Bu, "insaniyetke qarşı cinayetniñ alâmeti"dir.
"Bu ceryandalarda faalca iştirak etken 156 qırım ve rus makemecisi endi tesbit etildi ve Halqara Makeme çerçivesinde mesüliyet çekecekler", — dep uquq qorçalayıcılar qoştılar.
Telegram ve Facebookta Suspilne Qırım haberlerine abune oluñız
