Qırımtatar Maaliy Merkeziniñ (QMM) başı Eskender Bariiev, Birleşken Milletler Teşkilâtına de-facto bar olğan, amma BMTnıñ sistemasına kirsetilmegen Halqara tamır halqları makemesini teşkil etmege muracaat etti.
Çiçek ayınıñ 12-sinde Vaşingtondaki Birinci Halqara tamır haqlalrınıñ barışığı meseleleri sammitiniñ "Tamır halqlarınıñ arbitraj ameliyatı" panelinde söz aytqanda bu aqqında haber berdi.
"Bilgenime köre, endi çoq senedir de-facto bar olğan, amma de-jure BMTnıñ sistemasına kirsetilmegen Halqara tamır halqları makemesini teşkil etmege tırışalar. Men tüşünem ki, BMTnıñ sisteması tarafından destek alacaq pek yahşı bir ğayedir. O, tamır halqlarınıñ aqlarınıñ bozmaları aqqında ilk malümat toplanmağa, onı ihtisasiy şekilde işlemeye ve sistemalaştırmağa yardım etecek", — dep Bariiev añlattı.
Onıñ sözlerine köre, tamır halqlarınıñ vekillerine qarşı ırq ayırımı vaqtında, ayrıca Qırımda rus akimiyeti tarafından qırımtatararlarğa qarşı ayırım vaqtında, olarnıñ Halqara aqlarını qorçalav mehanizmi aqqında laf etmek müimdir.
"Çeşitli seviyelerde çatışmalar peyda ola: tamır halqınıñ vekilleri arasında, tamır halqınıñ vekilleri ve unvanlı milletin vekilleri arasında, tamır halqınıñ vekilleri ve devletniñ vekilleri arasında, em de devlet ve tamır halqı arasında", – dep Bariiev añlattı.
Bundan ğayrı, Bariiev qayd etti ki, tamır halqlarına medaitsiya saasında yardım etecek ve BMTnıñ muayyen organlarına ariza azırlamaq içün bedava ihtisasiy mesleat berecek halqara idareciler gruppasını teşkil etmek kerek.
Telegram ve Facebookta Suspilne Qırım haberlerine abune oluñız
