Yañı Kahovkada tutulğan ve Aqmescitteki Apellâtsiya makemesi tarafından "casuslıq" sebebinden 13 senege maküm etilgen jurnalist ve cemaat erbabı Serhiy Tsığipa Aqmescitten Rusiyege etap etildi. Aynı zamanda Aqmescitteki SİZOnıñ "memuriyeti", esir etilgen ukrain vatandaşınıñ tibbiy teşkerüviniñ neticelerini bildirmey.
Onıñ apayı Olena Tsığipa Suspilne Qırımğa bu aqqında habe berdi.
Advokat Serhiynen soñ kere çiçek ayınıñ 5-inde Cuma künü körüşti.
"O (advokat — terciman) maña, onıñ (Serhiynıñ — terciman) SİZOda ziyaret etkenini yazdı, sizge selâm berdi, Bazarertesi künü (çiçek ayınıñ 8-inde — muar.) onı etap eterler", — dep qadın añlattı.
Birazdan Tsığipa, "Zonatelekom" rus sevisi vastasınen aqayından mektüp almağa becerdi. Anda o yazdı ki, çiçek ayınıñ 8-inde onı etap eterler.
"Elbette, tünevin cevap yazdım, cevap alıp-almaycağını añlamadım... Şimdi ise almaycağını añlayım", — dep qoştı.
Apayına Tsığipanıñ qayda etap olunacağını aytmadılar.
"Siz bilesiñizdir, iç bir şey belli degil. Men bile advokattan bu malümat almadım. Soñ bu malümatnı bilgenimni yazdım, tünevin onı Aqmescitten alıp etap ettiler. O birazdan maña yazdı, bunı tasdıqladı. Men: "Qayda?", dep soradım. O, belli olmağanını ayttı, "ögrenecegim, tafsilâtlarını alacağım, sizge yazacağım", dep yazdı. Bunıñ nasıl olğanını añlamayım. Olar insannı etap ettiler, amma ne yerge etap etkenlerini haber bermedler", — dep Tsığipa añlattı.
Qadın, aqayınıñ sağlı alı sebebinden qasevetlene. İşğal etilgen Aqmescitteki SİZOnıñ memuriyeti, onıñ tibbiy teşkerüviniñ neticelerini ne oña, en apayına haber berdi. O qayd etti ki, Tsığipanen beraber bir kamerada oturğan insannıñ Hepatit Cnen hasta olğanını bile.
"Elbette, olardan er biri bunen hasta ola bilir — şöyle yaramay şartlarda bulunalar, yaramay aş aşamağa mecburlar, az kezeler, ne küneş köreler, ne temiz avanen nefes alalar. Elbette, bu sebeplerde sağlıq alı yahşılaşmaz. Men bilem ki, keçken afta oña flüorografiya yaptırdılar, amma onıñ neticesini Serhiyge bildirmediler", — dep qadın qayd etti.
Şu anda Sderhiy Tsığipanıñ bulunğanı yer belli olmay.
Serhiy Tsığipa aqqında ne bilemiz
Eki sene evel işğalciler, Yañı Kahovkalı jurnalist ve yazıcı Serhiy Tsığipanı tutıp qapattılar. Onıñ ukrain taraflı nazar noqtası ve jurnalist faaliyeti sebebinden onı tutıp qapatttılar, dep qorçalayıcı taraf tüşüne. Ukrain vatandaşı göñülli de edi.
2022 senesi saban ayınıñ 12-sinde tutulğan soñ onen bağlanamadılar. Birazdan rus teleyayınında kösterilgen teşviqat videosından ögrendiler ki, o esirlikte buluna. Advokatnıñ sözlerine köre, onı Aqmescitteki 2. SİZOda qapattılar.
Halqara gumanitar uquq, ihtiyac olmadan insanlarnı işğal etilgen topraqlardan başqa bölgelerge etap etmege yasaq ete. İnsannı zoraki tutmaq ya da tamamınen qapalı makeme ceryanını keçirmek, cenk cinayetidir.
Telegram ve Facebookta Suspilne Qırım haberlerine abune oluñız
