İşğal etilgen Aqmescit rayon makemesi, Hizb ut-Tahrir davasınıñ "Aluşta gruppası"nıñ siyasiy mabüsi Eldar Kantımırovnıñ davasını red etti. Davasında SİZOda keçirgeni vaqıtnı apshane müddetine qoşmağa rica etti.
Uquq qorçalayıcı Rustem Kâmşlev bunı añlattı, dep "Qırım birdemligi" haber berdi.
Qayd etildi ki, onıñ davasında bildirildi ki, RFnıñ Ulyanovsk vilâyetiniñ Dımıtrovhrad şeerindeki apishaneniñ memuriyeti, onıñ anda tevqif müddetini yañlış şekilde saydı.
Advokat, tutulğanı ve tevqif etilgeni vaqıtnıñ apishane müddetine qoşmasını israrlıqnen rica etti. Böylece, RF CQniñ 58. maddesine köre terrocılıqnen bağlı maddege binaen maküm etilgen, tevqif etilgenlerniñ müddetiniñ qısmı apihanede berilir. Anda üküm çıqarılmadan evel tevqif astında keçirgenleri vaqıt qayd etilgen soñ eñ az bir sene otura bilirler. Kâmilevniñ sözlerine köre makemeciler, bu qaideni sıq yañlış añlaylar. Makeme, davanı almağa tamamınen red etti.
Eldar Kantımırov aqqında ne bilemiz
2017 senesi boş ayda OMON ve mahsus askerler Eldar Kantımırovnıñ evini ilk kere tinttiler. Bundan soñ bütün elektron cihazlarını alıp çıqardılar. İşğal quvetçileri ruhiy tesir eterek, onıñ evini çoq kere ziyaret ettiler. Qorquta ve Qırımdan ketmege ayra ediler.
Eldar Kantımırov cemaat faaliyetini yapmağa devam etti, tintüvler ve makeme oturışlarını faalca ziyaret ete edi, Aqnescit rayonınıñ Şumhay köyündeki "Salğır baba" musulman cemaatınıñ ayatında iştirak ete edi. Em Aluşta, em de Aqmescit rayonlarındaki bala bayramlarınıñ teşklilcisi edi.
2019 senesi bozarğan aynıñ 10-unda Kantımırov tutuldı, bundan evel dört qırımtatar adamınıñ evleri tintildi.
2021 senesi arman ayınıñ 16-sında RF Cenübiy bölge arbiy makemesi, Hizb ut-Tahrirniñ "Aluşta gruppası"nıñ iştirakçileri olğan Ruslan Nagayev, Eldar Kantımırov, Ruslan Mesutov ve Lenur Halilovğa üküm çıqardı. Adamlarnı "terror faaliyeti"nde qabaatlap, 13, 12 ve 18 senege maküm etti.
Telegram ve Facebookta Suspilne Qırım haberlerine abune oluñız
