"Makeme"de adayının fotoresimini yapıp, makeme vekiliniñ qanuniy emrine riayet etmegeni" (RF MBQniñ 17.3. maddesiniñ 2. qısmı) sebebinden işğal etilgen Aqmescitteki Cian makemesi, "Hizb ut-Tahrir davası"nıñ beşindi Bağçasaray gruppasınıñ iştirakçisi Eldar Yakubovnıñ apayı Ayşe Yakubovağa biñ rublelik para cezasını berdi.
Saban ayınıñ 15-inde advokat Rustem Kâmilev "Qırım birdemligi"ne bu aqqında haber berdi.
"Ayşege biñ rublelik par cezasını berdiler", — dep Kâmilev qayd etti.
2023 senesi "makeme" odasında Eldar Yakbovnıñ fotoresimini yapqanı sebebinden, qırımtatar qadına qarşı memuriy protokolni tizdiler. O zaman "FSB taqiqatçısı" Vitaliy Vlasov oña aqayınen körüşmege ve telefon etmege izin bermedi. İşğal makemesi, siyasiy mabüsniñ apayınıñ buña şikâyetnamesini red etti.
"Hizb ut-Tahrir davası"nıñ beşinci Bağçasaray gruppası aqqında ne bilemiz
2023 senesi arman ayınıñ 24-ünde rus quvetçileri, qırımtatar Ruslan Asanov, Seydamet Mustafayev, Remzi Nemetulayev, Abdulmecit Seitumerov, Amethan Umerov ve Eldar Yakubovnıñ evlerini tinteler.
Beş adam, cemaat faalcileri ve çoq balalı babalardır. Keçenlerde Seitumerovnıñ balası doğdı. Abdulmecit, 2020 senesi saban ayında teqif etilgen, 17 ve 14 senege maküm etilgen Bağçasaraydan süyasiy mabüsler olğan Osman ve Seitumer Seitumerovnıñ doğmuş qardaşıdır.
Terrorcılıqta qabaatlanıp tevqif etilgen başqa qırımtatarlarnı destek etici numayışlarda bütün altı Bağçasaray faalcisini bir qaç kere tuttılar.
Nimetulayev ve Mustafayevni bir qaç künge tevqif ettiler. İşğalciler, "vatandaşlarnıñ kütleviy bulunmalarınen içtimaiy nizamnı bozğanı içün" Yakubovğa 10 biñ rublelik para cezasını berdiler. Umerov ise mahsus tutun müessisesinde bir qaç kün keçirdi ve "FV ya da telükesi vaqtında qaidelerni riayet etmeme aqqında" aynı maddege mücibi para cezasını ödedi.
2023 senesi berim ayında "UFSBniñ ayrıca müim meseleler üyken taqiqatçıcı" Vitaliy Vlasov Yakubovğa ve davanıñ başqa iştirakçisiniñ apayı Feride Halilovağa aqaylarınen körüşmege izin bermedi. Beşinci Bağçasaray gruppasınıñ iştirakçileriniñ apayları aynı rednamelerni aldılar.
Telegram ve Facebookta Suspilne Qırım haberlerine abune oluñız
