Qırım MC ve Aqyar şeeri Prokurorlığı, 2014 senesi saban ayınıñ 16-sındaki "Qırımnıñ RFa federatsiya olaraq kirmesi" aqqında qanunsız olaraq keçirilgen sahte referendumnen bağlı 133 cinaiy dava açtı. Bundan ğayrı, 15 ğıyabiy üküm çıqardı.
QMC prokurorlığınıñ bölüginiñ reberi Yehor Rebrov Suspilne Qırımğa bunı añlattı.
Ukraina CQniñ 111. maddesiniñ 1. qısmına (devlet hainligi) mücibi Qırım MC Yuqarı Şurasınıñ 6 saylarının 69 eski mebusı ve Aqyar şeer şurasınıñ 49 mebusına qarşı 118 qabaatlayıcı akt makemege yollandı.
Bundan ğayrı, 15 ğıyabiy üküm çıqarıldı: Qırım MC Yuqarı Şurasınıñ 11 mebusı ve Aqyar şeer şurasınıñ dört mebusı 10-14 senege maküm etildi.
"Birinciden olar, qararlarınen bu referendumnı keçirmege sebep bergen insanlardır. Yani olar, öz oturışlarında "umumiy qırım referendumı"nı keçirmege qarar bergen Qırım MC ve Aqyar şeeri şurasınıñ mebusları. Qanunsız qararlar! Çünki bu qarar, Ukraina Qanunnamesine qarşıdır", — dep Rebrov qayd etti.
Olarnıñ areketleri, sahte referendumnı keçirmek içün resmiy sebep oldı ve Ukrainanıñ suvereniteti, topraq bütünligi ve toqunmazlığına zarar ketirmege yönelgendir.
Bundan ğayrı, UCQniñ 109. maddesiniñ 3. qısmıQanunname tazrını zoraki deñiştirmege ya da yoq etmege ya da devlet akimiyetini zapt etmege yönelgen areketler, 110. maddesiniñ 2. qısmıUkrainanıñ topraq bütünligi ve toqunmazlığına iddia, 111. maddesiniñ 1. qısmınaDevlet hainligi binaen Qırım MCniñ saylar eyyetiniñ başına qarşı qabaatlayıcı akt makemege yollandı. Ukraina CQniñ 109. maddesiniñ 3. qısmı, 28. maddesiniñ 2. qısmıTaqım tarafından, evelden añlaşıp taqım tarafından, teşkilâ etilgen taqım ya da cinaiy teşkilât tarafundan cinayet yapıluv, 110. maddesiniñ 2. qısmı, 111. maddesiniñ 1. qısmına binaen bu saylar eyyetiniñ azalarına şübe bildirildi.
2014 senesi saban ayınıñ 27-sinde BMTnıñ Baş Asambleyassı, 2014 senesi saban ayınıñ 16-sındaki referendumnıñ qanunsız ve Qırım MCniñ statusını deñiştiremez olğanını tanığan rezolütsiya aldı.
Telegram ve Facebookta Suspilne Qırım haberlerine abune oluñız
