"Sluğa narodu"nıñ halq mebusı Rusiye ve işğal etilgen Qırımnen ticaretke bağlıdır — "Shemalar"

"Sluğa narodu"nıñ halq mebusı Rusiye ve işğal etilgen Qırımnen ticaretke bağlıdır — "Shemalar"

"Sluğa narodu"nıñ halq mebusı Rusiye ve işğal etilgen Qırımnen ticaretke bağlıdır — "Shemalar"
Halq mebusı Olekdandr Kunıtskıy. Фото: Олександр Куницький/Facebook

"Sluğa narodu" siyasiy fırqasınıñ halq mebusı Oleksandr Kunıtskıynen bağlı olğan Autoenterprise Harkiv zavodınıñ elektrik maşnaları içün işğal etilgen Qırımda yüklendirüv stantsiyaları bar.

"Shemalar"nıñ araştırmasında bildirildi.

Qayd etildi ki, Oleksandt Kunıtskıy, yarımadanıñ işğal akimiyetiniñ imayesinen işğal etilgen Qırımda yüklendirüv stantsiyaları ağını Harkiv mahsulatı esasında qurdı. Zavodnıñ resmiy reberligi, Rusiyenen ticaret etkenini red etmedi, amma Qırımnen "alâqası yoq edi", dep bildirdi. O zaman qanunlar seviyesinde Rusiyenen ticaret etmek yasaq degil edi.

"Shemalar" jurnalistkeri ögrendiler ki, eñ az 2016 senesinden berli Autoenterprise gruppasından "AE Fektori" Harkiv şirketi em rus şirketlerine, em de "Rosseti" holdingi kibi devlet müessiselerine yüklendirüv stantsiyalarını sata edi. Autoenterprise qayd etti ki, şirketniñ yerleşkeni yerge baqmadan bütün yüklendirüv stantsiyalarına irişimi bar.

"Sluğa narodu"nıñ halq mebusı Rusiye ve işğal etilgen Qırımnen ticaretke bağlıdır — "Shemalar"
Oleksandr Kunıtskıynıñ Rusiyege seyaatları. Фото: "Схеми"

2021 senesinden berli işğal etilgen Qırımda DriveEnergy elektrik yüklendirüv stantsiyaları ağı çalışmağa başladı ve tartqatıldı. Anda "Ukrainada yapılğan", dep yazıldı. Jurnalistler tüşüneler ki, cihazlar Autoenterprise zavodından yapığan.

Harkiv zavodınıñ müdiri, Harkiv şeer şurasınıñ mabusı Alina Mustafaeva haber berdi ki, stantsiyalarnıñ Rusye tarafından işğal etilgen yarımadağa nasıl yollanğanını bilmey. Faqat jurnalistler, bunıñ doğru olmağanını tüşüneler.

Aynı zamanda jurnalistler, Mustafaevanıñ vesiqalarını ve "Drayv Enerji" Qırım şirketiniñ reberi Ruslan Devleçaevnen mektüpleşüvini yayınladılar.

İntervyu bergende Mustafaeva ayttı ki, şirket online şekilde bütün stantsiyalarnı nezaret ete. Bundan ğayrı, o devirde Harkiv şirketinde çalışqan eki manba ayttı ki, Mustafaeva özü ruslarnen añlaşmasında Qırımnı yazılmamağa, sadece "RFnıñ Cenübiy bölgesi"ni qayd etmege becerdi.

Kunıtskıy jurnalitslerge tefsir etkende 2016 senesi Rusiyege cihazlarnıñ satılışından "haberdar olmağanı"nı bildirdi.

Vesiqalarına köre "Shemalar", Ukrainada yapılğan yüklendirüv stantsiyalarınıñ Harkivden işğal etilgen yarımağa yolunı ve sebeplerini ögrendiler ve Autoenterpriseniñ reberliginiñ sözlerini şübelegen delillerni ketirdiler.

Autoenterpriseniñ saibi – Yuqarı şuranıñ resmiy bilgilerine köre, 2024 senesi kiçik ay evel Kunıtskıynıñ yarımcısı olğan Dmıtro Nikonovdır. Şuranıñ azası olmadan evel Kurnıtskıy, Harkiv cihazlarını reklamlaştıra, öz blogınıñ millionlarca taqipçisini oña yatırım etemege çağıra ve bu bizneske bağlı olğanını köstere edil.

"Shemalar"nıñ araştırmasının tolu versiyası – videoda.

Telegram ve Facebookta Suspilne Qırım haberlerine abune oluñız

На початок