İşğal etilgen Aşırıcılıqqa qarşılıq merkezi ve OMON, Qırımnıñ İslâm Terek rayonınıñ işğal etilgen makemesi ögündeki diñleyicilerni dağıtalar. Kiçik aynıñ 29-ında evi tintilgen soñ tutulğan Lenur Yakubovnıñ memuriy davasınıñ bilgileri, o yerge yollandı. Bundan ğayrı, "Qırım birdemligi"niñ mühbiri Ali Seitablaev tutuldı, oña arbiy komissarlıqqa mobilizatsiyaname berildi.
Öz Facebook saifesinde "Qırım birdemligi" bu aqqında haber berdi.
UPD: Ali Seitablaevge arbiy komissarlıqqa mobilizatsiyaname berildi ve yiberildi, dep advokat Emil Kurbedinov haber berdi.
"Qırım birdemligi"niñ mühbiri Ali Seitablaevge berilgen arbiy komissarlıqqa mobilizatsiyaname. Фото: Кримська солідарність
Evini tintken "E" Merkeziniñ bölüginiñ işğal reberi Ruslan Şambazov faalci, iş adamı Lenur Yakubovnıñ davasınıñ oturuşına kelgen qırımtatarlarnı dağıttı.
RF MBQniñ 20.3. maddesine ("Natsizm işaretleri ya da timsalleriniñ, ya da aşırıcılıq tekilâtınıñ işaretleri ya da timsalleriniñ, ya da federal qanunlarda yasaqlanğan nasıldır başqa işaretler, timsallerniñ propagandası ya da halq ögünde kösterilüvi") mücibi "Aşırıcılıqqa qarşılıq merkezi"niñ işçileri Yakubovğa qarşı protokol tizdiler.
Telegram ve Facebookta Suspilne Qırım haberlerine abune oluñız
