Kiçik aynıñ 25-inde işğal etilgen Aqyarnıñ Balıqlava rayonınıñ Uppa köyünde qırımtatar faalcisi Fazıl Emiruseinov vefat etti. O 66 yaşında edi.
Facebookta "Qırım birdemligi" bu aqqında haber berdi.
"Qırım bidemligi"niñ taqımı, vefat etken qart faalciniñ ailesine taziye bildire", — dep bildirildi.
Kiçik aynıñ 26-sı saat 14:00te Uppa köyüniñ Şkilna sq., 1 adresinde cenaze keçirilecek.
Emiruseinov, qırımtatar halqınıñ vekillerine qarşı siyasiy sebepli davalarnıñ makeme oturışlarına kete ve şaat olaraq iştirak ete edi.
2021 senesi berim ayında Aqmescitteki işğal etilgen UFSBniñ binası yanında faalci tutuldı. MBQniñ 20.6.1. "FV (fevqulâde vaqia) mümkün olğan vaqıt özüni tutuv qaidelerine riayet etmeme" maddesine binaen 7 biñ rublelik (2 891 grivna) para cezasını aldı.
Bundan ğayrı, 2023 senesi diversiyada şübelenip, FSB işçileri Emiruseinovnıñ evini tinttiler.
Telegram ve Facebookta Suspilne Qırım haberlerine abune oluñız
