Qırımda eñ az 600 işğal makemecisi, siyasiy taqiplerde iştirak ete — Skrıpnık

Qırımda eñ az 600 işğal makemecisi, siyasiy taqiplerde iştirak ete — Skrıpnık

Qırımda eñ az 600 işğal makemecisi, siyasiy taqiplerde iştirak ete — Skrıpnık
Qırım uquq qorçalayıcı gruppasınıñ idaresiniñ başı Olha Skrıpnık. Фото: УНІАН

Qırım uquq qorçalayıcı gruppasınıñ (QUQG) bilgilerine köre, Qırımda eñ az 600 işğal makemecisi, siyasiy taqiplerde iştirak ete.

"Ukrainada rus tecavuzınıñ 10. seneligi. Adalet yolu" media marafonı vaqtında QUQGnıñ idaresiniñ başı Olha Skrıpnık bunı bildirdi.

Bundan ğayrı, uquq qorçalayıcı bildirdi ki, 10 senelik işğal devrinde cemaat teşkilâtıü rus repressiyalarınıñ fedaları olğan ve zarar körgen eñ az 1400 vatandaşımıznı qayd etti.

"Tek siyasiy sebepli ve diniy motivli taqipler aqqında laf etmeymiz. Umumen fedalarnıñ sayısı daa büyük, çünki balalar, mülkünden marum etilgen insanlar ve başqaları bar", — dep Skrıpnık bildirdi.

QUQGnıñ analitikasına köre, eñ az 200 vatandaşımız apishanede buluna, tibbiy yardım almay, çoqusı allarda olar, işkence fedaları olalar.

"Ve kerçekten de olarnıñ tevqif müddeti bitmeden evel hapishaneden çıqmaq imkânı yoq. Tek bizim bazamızğa siyasiy ceryanlarda böyle 84 biñ makeme oturışını qayd ettik. Olar arasında anda iştirak etken çoq makemeci, prokuror, FSB işçileri bar", — dep Olha Skrılnık qayd etti.

Uquq qorçalayıcı ayttı ki, tek repressiyalardan zarar körgen insanlarnı degil, olarğa ait olğanlarnı da qayd etmek kerek.

"Qırımdan ve Rusiyeden eñ az 600 işğal makemecisi, siyasiy taqiplerde iştirak ete. Olar işkenceler arizalarını körmemezlikke uralar, berilgen delillerni körmemezlikke uralar, anda vastasız iştirak eteler. FSB işçileri, içeri işler nazirligi, prokurorlar kibi. Olar, ne yapqanlarını pek yahşı bileler", — dep Skrıpnık hulâsa çıqardı.

Telegram, Viber ve Facebookta Suspilne Qırım haberlerine abune oluñız

На початок