Uquq qorçalayıcılar, rus-ukrain cenkiniñ 10. seneligine bağışlanğan aktsiya-performansnı başlattılar

Uquq qorçalayıcılar, rus-ukrain cenkiniñ 10. seneligine bağışlanğan aktsiya-performansnı başlattılar

Uquq qorçalayıcılar, rus-ukrain cenkiniñ 10. seneligine bağışlanğan aktsiya-performansnı başlattılar
Uquq qorçalayıcılar, “Dünyanıñ telükesizlikke ihtiyacı bar. Ukrainanıñ ğalebege ihtiyacı bar” aktsiya-performasını ilân ettiler. Facebook/ Центр громадянських свобод

Vatandaş azatlıqları merkezi, rus-ukrain cenkiniñ 10. seneligine bağışlanğan “Dünyanıñ telükesizlikke ihtiyacı bar. Ukrainanıñ ğalebege ihtiyacı bar” aktsiya-performasını başlattı.

Facebook saifesinde uquq qorçalayıcılar bu aqqında haber bediler.

Kiçik aynıñ 20-sinde saat 16:00da Kiyivdeki Mustaqillik meydanında aktsiya keçirilecek.

"10 senedir bütün Ukrainada Rusiye, halqara cinayetlerni yapa. Ve cinaiy emirlerni bergen ve yapqan er kesni maküm etmek içün tecavuz cinayetinen bağlı mahsus tribunal yapmaq kerek. Tek cenk qurbanlarına adalet qaytarmaq içün degil, dünyanıñ telükesizlikte olması içün de cenk cinayetçilerini maküm etmek kerek", — dep bildirildi.

Bildirildi ki, aktsiya vaqtında grotesk qısımlarınen teart şeklinde performasn olacaq. O vaqıt aktörler, bu on sene dervinde Rusiyeniñ yapqanı ve yapmağa devam etkeni eñ qorqunçlı halqara cinayetlerni añlatacaqlar ve kösterecekler.

Performanstan soñ rejisör Anastasiya Ağafonova ve Vatandaş azatlıqları merkeziniñ taqmınıñ azaları, şu cümleden teşkilâtnıñ başı Oleksandra Matviyçuknıñ iştirakinen matbuat konferentsiyası keçirilecek.

Bu vaqia, kiçik aynıñ 20-24 künleri dünyanıñ farqlı yerlerinde keçirilecek #TheWorldNeedsSecurity adlı cian aktsiyasınıñ qısmıdır.

Telegram ve Facebookta Suspilne Qırım haberlerine abune oluñız

На початок