İşğalciler, "Qırım deñiz limanları" müessisesiniñ flotunıñ yaramay alına şikâyet ettiler. Grajdan flotnı yañartmaq maqsadınen 10 gemi almaq içün Rusiye akimiyetinden yardım soradılar.
Qırım naqliyat nazirligi bu aqqında haber berdi, dep TASS yazdı.
Şu cümleden, grajdan flotu yüzde 90-dan çoq aşınğan aldadır ve deñiz taşımaları içün qullanılmaz.
"Qırım Cumhuriyeti içün deñiz taşımalarınıñ büyük müimligine köre Rusiye Federatsiyasınıñ akimiyetiniñ adresine bölgenin deñiz saasını destek imkânını baqmağa rica etip mektüp yolladılar. Qırım limanlarına kerekli zemaneviy gemilerni almağa rica ettiler. <...> Liman tamir etilse, yalı yanında yaldamaq içün altı yañı yolcu gemisi ve subleyklerarası taşımalar içün eñ az dört yolcu gemisi kerekir", — dep bildirildi.
Qırımda Yalta ve Kezlev limanları bar, amma böyle degen Naqliyat nazirliginiñ bildirgenibe köre, limanlarnıñ gidrotehnilk binalarınıñ çoqusınıñ yaramay alda olğanı sebebinden qullanılmaz. Olar qaza alındadır ve tamir etilmelidir.
Telegram ve Facebookta Suspilne Qırım haberlerine abune oluñız
