2014 senesi Arslan ve Marlen Misiratov Ukrainanı qorçalamağa kettiler. Keçenlerde küçük qardaş Arslan mobilizatsiyadan qayttı ve askerdeşlerine yardım ete. Marlen ağa ise cebede Ukraina qorçalamağa devam ete. Suspilne Qırım, Qırım sakinleriniñ ikâyesini añlata.
Askerdeşlerine yardım etmek içün Arslan Misiratov “Qırım askerler ve arbiy areketler iştirakçileri teşkilâtı”nı açtı.
“Şimdi biz oğlanlarğa uquqiy meselelerde, ruhitaçılarnen yardımcı olamız, bizde içtimaiy ozğaruv bar. Esirlikten qaytqan oğlanlarğa bütün vesiqalarnı almağa, daire nevbetine kirmege, ailelerine yardım etemiz”, - dep qayd etti o.
Şu anda Arslan imzanğan qırımtatar bayrağını auktsionda satmağa planlaştıra, toplanacaq para ise askerlerniñ ihtiyaclarına qullanacaq.
“Birincisini (imza - müar.) Valeriy Fedorovıç Zalujnıy qoydı, ekincisini ise qırımtatar halqınıñ bizim liderimiz Mustafa ağa Cemilev ve üçüncisini mudafaa naziri Rustem Umerov qoydı”, - dep Arslan Misiratov añlattı.
Ağası sebebinden 2014 senesi Arslan “ATO”da cenkleşmege ketti. Ağası ilk kere esirlikte bulunğanda qardaşınıñ Moskvadaki dairesini RF FSB işçileri tinttiler ve ketmeme vesiqasını imzalattılar. O zaman yüksel aylıqnen mimar Moskvadan Kıyivge köçti, bundan soñ ağasınen cenkleşmege ketti.
“Ağamnıñ Sağ sektordaki 9. mahsus taqımğa kettim. Men anda edim, amma onıñ menim doğmuş ağam olğanını kimse bilmedi. Marlen meni iç bir yerge yibermedi. Er vaqıt bazada tuttı. Meni Da Vinçige birinci ücüm taqımına ketirdi. Ve ketken soñ arbiy vazifelerni yapmağa başladım”, - dep Arslan añlattı.
Bundan ğayrı, Arslan añlattı ki, ATO vaqtında Donbasta Marlen ruslardan tankını hırsızlap askerdeşlerine ketirdi.
“Rusiye künü olğan eken. Ya da olarnıñ bayrağı künü olğan eken, episi sarhoş edi, o zaman olarnıñ tankını hırsızladı ve döngen başnen onen askerdeşlerine ketti”, - dep “Qırım askerler ve arbiy areketler iştirakçileri teşkilâtı”nıñ reberi qayd etti.
Keçenlerde Marlen yaralanğan soñ epishaneden çıqtı. ATO sol qolu yaralandı, o işten çıqa bile, amma istemey.
FSBnen işdeşlik yapmağa başlağan UTH, Marlen Misiratovnı Qırımdan qıtaviy Ukrainağa köçmege mecbur ettiler. Ketmesi içün bir kün berdiler. Kıyivge kelir-kelmez Sağ Sektorğ yazılıp cenkleşmege ketti. Marlen ayta ki, evge, Qırımğa istey, ve qaytmaq zor olur.
"Ava pek sıcaq olur. Olar Qırım qolayca bermezler. Bundan başqa, şimdi kibi, olar topraqlarnı zapt eteler, keri keteler ve onı tamamınen böleler. Men böyle tüşünem, amma yañıdan qurarmız", - dep Marlen Misiratov añlattı.
Rusiyede aşırıcı bir teşkilât tanınğan Sağ sektorda iştirak etkeni içün ruslar Marlenni halqara qıdırmağa ilân ettiler. Bından ğayrı, Qırımdaki LEP ve gaz borularını patlatmağa qabaatlaylar. Misiratov ayta ki, balalara söz berdi, onı yerine ketirmegence cenkleşecek.
"Qırımğa tanknen ketecegim, dep balalarıma söz berdim. Bunıñ içün sözümni tutam", - dep hulâsa çıqardı o.
