Qırımtatar Milliy Meclisiniñ başı Refat Çuvbarov, işğal etilgen Qırımda saylavlardan evelki kampaniya vaqtında Qırım sakinlerini "kelecek RF prezidenti saylavlarında Putin içün" imza qoymamağa çağırdı.
Bunı öz Facebook saifesinde yazdı.
Bundan ğayrı, o qayd etti ki, rus mahsus hızmetleriniñ vazifesi, işğal akimiyetinen yaqınlaşmağa qaçınğan qırımtatarlarnı vesiqanı "imzalamağa mecbur etmek"tir.
"Rus işğalcileriniñ maqsadı, öz toprağına, halqına ve Ukraina devletine sadıq qalğan yüz biñlerce Ukraina vatadanşlarını, Qırım sakinlerini lekelemektir. İmzañıznı almağa ve sizni rus varvarlarınıñ cinayetleriniñ iştirakçisi olmağa istegen bu köpeklerni çıqarıñız", – dep Çubarov qayd etti.
RFda prezident saylavları aqqında ne bilemiz
İlk qış ayınıñ 8-inde Rusiye prezidenti Volodımır Putin, Rusiyede prezident saylavlarında yañı prezident müddeti içün küreşmek niyetini bildirdi. Böylece, Putin Kremldeki tedbirde böyle degen "DNR qaramanı" Artem Jozağa yañı prezident müddetini almaq planını bildirdi.
İlk qış ayınıñ 7-sinde Federatsiya Şurası bildirdi ki, 2024 senesi saban ayınıñ 17-sinde RF prezidenti saylavları keçirilecek. 2024 senesi saban ayınıñ 15 - 17 künleri, yani üç kün devamında Rusiye prezidenti saylavları keçirilecek. RF Merkeziy saylav eyyeti maqbul qarar berdi.
2023 senesi ilk qış ayınıñ 1-inde RF MSE bildirdi ki, 2024 senesi saban ayındaki prezident saylavlarında Donetsk, Luhansk, Herson ve Zaporijjâ vilâyetleriniñ işğal etilgen topraqlarınıñ sakinleri de rey bererek iştirak etecekler.
Britaniya istihbaratı tüşüne ki, rus işğalcileri tolu miqyaslı tecavuznıñ qanunlığını tasdıqlamaq içün işğal etilgen ukrain topraqlarında da Rusiye prezidenti "saylavları"nı keçirecekler.
Telegram, Viber ve Facebookta Suspilne Qırım haberlerine abune oluñız
