Boş aynıñ 16-sında 11 senege maküm etilgen Vadım Bektemirov Sankt-Peterburgdaki 6. tüzetici müstemlekege kelgen soñ işçiler, onı urdılar. Bundan ğayrı, siyasiy mabüsniñ Quranı ve ilâçlarını alıp çıqardılar.
Apayı Lemana Bektemirova "Qırım birdemligi"ne bunı añlattı.
Lemara, aqayınıñ urulğanını aman ögrenmedi. Kreml eseri karantinden çıqqan soñ oña telefon etti.
"Şimdi özüni yahşı duya. Oña namaz qılmağa izin bereler. Aşayt paketleri işhanesinde tezya başına çalışa edi. Qalem işhanesine onı keçiririler", — dep haber berdi.
Aynı zamanda Bektemirova, aqayını tam olaraq kimniñ urğanını da bilmey.
Vadım Bektemirov aqqında ne bilemiz
- Vadım Bektemirov, arap edebiyatı ve gumanitar ilimler bölüginiñ "İslâm oquvları" ihtisasında magistrdir. Tevqif olunmadan evel siyasiy mabüslerniñ ailelerini destek etmek içün dua ete , epis etilgen qırımtatar musulmanlarına posılkalarnı yollamağa yardım ete, siyasiy sebepli davalarnıñ oturışlarına bara edi.
- 2023 senesi boş ayda ailesi bildirdi ki, Vadım Bektemirovnı Lıpetsk vilâyetindeki Yelts şeeeriniñ apishanesinden başqa müstemlekege etap ettiler. Bir aydır ailesi onı tapamay ve ondan haberlerni almay. Apayınıñ hitabına RF Federal ceza hızmeti cevap berdi ki, "apishanede ve taqiqat izolâtorlarında bulunğan ve ceza alğan insanlarnıñ şahsiy bilgileriniñ merkezleştirilgen sicili yoq".
- 2020 senesi oraq ayınıñ 7-sinde Qırımdaki kütleviy tintüvlerden soñ Bektemirov tutuldı. O, 2003 senesinden başlap Rusiyede yasaqlanğan "Hizb ut-Tahrir"niñ faaliyetinde qabaalandı.
- 2022 senesi kiçik aynıñ 11-inde Rusiyedeki Cenübiy bölge arbiy makemesi Vadım Bektemirovnı 11 senege maküm etti. Ceza müddetiniñ birinci üç senesini apishanede keçirecek edi. 2023 senesi çiçek ayınıñ 3-ğnde Vlasıstaki Apellâtsiya arbiy makemesi ükümini deñiştirmedi.
Hizb ut-Tahrir islâm fırqası sadece Rusiyede terrorcı bir teşkilât olaraq tanındı, çünki bu teşkilâtnıñ azaları, musulmanlarğa repressiyalar sebebinden muntazam tarzda işğal akimiyetini tenqit ete ediler. Aynı zamanda Hiz ut-Tahrir dünyanıñ ülkeleriniñ çoqusında ve Ukrainada serbest şekilde faal ete.
Telegram, Viber ve Facebookta Suspilne Qırım haberlerine abune oluñız
